Qazaqstan • 29 Maýsym, 2022

Asyl tuqymdy mal sharýashylyǵy týraly zań jobasy maquldandy

18 ret kórsetildi

Májilis asyl tuqymdy mal sharýashylyǵy máseleleri týraly zań jobasyn maquldady, dep habarlaıdy Egemen.kz.

«Zań jobasynyń birinshi oqylymynda Májilis tóraǵasy bergen tapsyrmaǵa sáıkes, Zań jobasyna asyl tuqymdy mal sharýashylyǵy sýbektileriniń qyzmetin júzege asyrý tásilderin ózgertý, sybaılas jemqorlyq táýekelderin boldyrmaý, aýyl sharýashylyǵy beıinindegi ǵylymı uıymdardyń qyzmetin keńeıtý jáne tutastaı alǵanda ósirilip otyrǵan mal tuqymdarynyń genetıkalyq áleýeti men ónimdiligin arttyrý, olardyń bas sanyn ulǵaıtý maqsatynda seleksııalyq-asyl tuqymdyq jumysty damytý jóninde túzetýler engizildi. Sonymen qatar, zań jobasymen jumys isteý barysynda depýtattar onyń mazmunyn naqtylaýǵa jáne jaqsartýǵa baǵyttalǵan túzetýler engizdi», dedi Májilis depýtaty, Agrarlyq máseleler komıtetiniń múshesi Asqarbek Úısimbaev.

Atap aıtqanda, asyl tuqymdy mal sharýashylyǵy salasyndaǵy sýbektiler qyzmetiniń habarlama jasaý tártibi asyl tuqymdy ortalyq, asyl tuqymdy maldyń uryǵy men embrıondaryn ótkizý jónindegi dıstrıbıýterlik ortalyq, bonıter, uryqtandyrýshy-tehnık jáne embrıondardy trasplanttaý jónindegi maman úshin saqtaldy.

Budan basqa, janýarlardyń genomdyq baǵalaýy men molekýlıarlyq-genetıkalyq baǵalaýyn júrgizý jónindegi erejeler reglamenttelgen, bul janýarlardyń negizgi sharýashylyq belgileri boıynsha seleksııany edáýir arttyrýǵa múmkindik beredi. Maldyń ónimdiligi men asyl tuqymdyq sapasyn arttyrý úshin asyl tuqymdy ónimdi – uryq pen embrıondardy paıdalanýǵa jáne ótkizýge qatysty normalar reglamenttelgen.

Sonymen qatar Zań jobasynda asyl tuqymdy emes, biraq seleksııalyq proseske tartylǵan jáne asyl tuqymdy istiń damýyna tikeleı áser etetin janýarlardy esepke alý boıynsha normalar kózdelgen.

Depýtattar respýblıkalyq palatalardyń qyzmetin jetildirý boıynsha túzetýler engizdi. Asyl tuqymdy mal sharýashylyǵy salasyndaǵy zańbuzýshylyqtardyń der kezinde jolyn kesý jáne olarǵa jol bermeý úshin ýákiletti organ vedomstvosynyń baqylaý sýbektisine barmaı, profılaktıkalyq baqylaý júrgizý kózdelgen.

Respýblıkalyq palatalar da asyl tuqymdy jáne dıstrıbıýterlik ortalyqtar, bıýdjettik sýbsıdııalar alǵan jeke jáne zańdy tulǵalarmen qatar profılaktıkalyq baqylaý sýbektileri bolyp sanalady.

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar