Bir qýanyshtysy, «Astana» klýbynyń músheleri ýaqyt ozǵan saıyn óz nátıjelerin jaqsarta túsýde. Osyǵan deıingi jetinshi kezeńde máre syzyǵyn ekinshi bolyp qıyp ótken 23 jastaǵy ıtalııalyq legıoner Samýele Battıstella bul joly da dál sol nátıjesin qaıtalady. Al birinshi oryndy Lýıs Meıntdjes ıelendi. Belgııanyń Intermarch – Wanty – Gobert Matriaux klýby namysyn qorǵap júrgen OAR-dyń ókili 175,5 shaqyrymdyq qashyqtyqty 4 saǵat 32 mınýt 39 sekýndta qıyp ótti. Apennın túbeginiń taǵy bir túlegi Edoardo Zambanını (Bahrain – Victorious) úshinshi satyǵa jaıǵasty.
Jalpy esepte Italııanyń maqtanyshy Remko Evenepýl (Quick-Step Alpha Vinyl Team) aldyna jan salar emes. Onyń kórsetkishi – 34:02:32. Ekinshi oryndy ıspanııalyq Enrık Mas (Movistar Team) ıelenýde. Slovenııalyq Prımoj Roglıch (Intermarché-Wanty-Gobert Matériaux) úzdik úshtikti túıindeýde. «Astananyń» serkesi Mıgel Anhel Lopes segizinshi orynǵa kóterildi.
