Máselen, Qazaqstan Jazýshylar odaǵynda, kitaphanalarda, týǵan elinde, t.b. Dúrkirep ótken bul toıda qalamgerge kóptegen syılyq estelikke berilip, arqasyna jetpisten asa shapan jabylǵan eken! Sol syılyqtardyń biri – portatıvti tranzıstorly dıktofon. Buny akademık Muhamedjan Qarataevtyń otbasy syıǵa tartqan. Onda mynandaı tilek jazylǵan: «Ardaqty Sábeńe 70 jasyna. Marhýma, Muqamedjan. 29.05.70 j.».
Dıktofonnyń jalpy sıpattamasyn aıtatyn bolsaq, markasy – «Elektron. Model 52 D». 1968 jyly Ýkraınanyń Poltava qalasynda jasalǵan. О́lshemi 165h70h50 mm, salmaǵy 0,5 kg. Basqarý júıesine toqtalatyn bolsaq, dıktofonnyń sol jaq búırinde P, V, Z, S áripterimen tetiksheler ornatylǵan. Osyndaǵy «P» árpi jyldam aınaldyrýǵa arnalǵan tetikshe bolsa, «V» taspaǵa jazylǵan materıaldy oınatý tetikshesi, al «Z» taspaǵa materıaldy jazý tetikshesi, sońǵy «S» erekshe qyzyl túspen boıalǵan, bul jazbany toqtatý tetikshesi. Dıktofon «Krona» batareıasymen jumys jasaıdy. Qurylǵyda taspaǵa jazylǵan materıaldy estýge arnalǵan almaly-salmaly qulaqqap bar. Ol tek oń qulaqqa qoıyp tyńdaýǵa arnalǵan. Qaltaǵa, qolǵa ustap júrgenge óte yńǵaıly bul qurylǵy jazýshy, jýrnalısterge óte qajet, taptyrmas dúnıeniń biri. Bul erekshe qundy jádiger kelýshilerimizdi de qatty qyzyqtyrady. Qalamger mýzeıine onyń jubaıy Marııam Muqanova 1978 jyly syıǵa tapsyrǵan.
Qurmetti oqyrman, Sábeńniń qoly tıgen bul jádigerdi kózben kórip, qolmen ustap kórgińiz kelse, mýzeıge asyǵyńyz!
Janar TAEVA,
S.Muqanov pen Ǵ.Músirepov ádebı-memorıaldyq mýzeı kesheniniń ǵylymı qyzmetkeri
