Ekonomıka • 26 Qyrkúıek, 2022

AQSh-qa eksport artty

61 ret kórsetildi

Jyl basynan beri Qazaqstan men AQSh arasyndaǵy taýar aına­ly­my­nyń kólemi 1,5 mlrd dollardy qurady. Bul – 2021 jyldyń qańtar-shilde aılary aralyǵymen salystyrǵanda 36,6 paıyzǵa (byltyr 1,1 mlrd dollar bolǵan edi) joǵary kórsetkish.

Qazaqstannan AQSh-qa taýar eks­porttaýy qańtar-shildede 77,2 pa­ıyz­ǵa ósip, 769,2 mln dollarǵa jetken. AQSh-qa eksporttyń ósýine shıki munaı, fer­ro­qorytpa sekildi taýarlardy jet­ki­zýdiń qarqyny joǵary bolýy áser etken. Atap aıtqanda, Qazaqs­tan­nan AQSh-qa negizinen myna taýarlar: shıki munaı (eksporttaý 98,1 paıyzǵa ósken); ferroqorytpa (+26,7 paıyz); kúkirt (+2,7 paıyz); sýtegi, sırek gazdar jáne basqa beımetaldar (+1,8 paıyz); tantal jáne odan jasalǵan buıymdar (+1,7 paıyz) eksporttalady.

О́z kezeginde Qazaqstan AQSh-tan jeti aı ishinde 778,3 mln dollardyń taýaryn satyp alǵan. Muhıttyń arǵy betinen negizinen, aýa nemese vakýýmdyq sorǵylar, kompressorlar men jeldetkishter, bólshektep satý úshin qaptalǵan dárilik zattar, júk avtomobılderi, ekpe, porshendi ishten janatyn qozǵaltqyshtar, jyljymaly quram bólikteri, qus eti jáne jeý­ge jaramdy qosalqy ónimder satyp alynady.

Ulttyq ekonomıka mınıstr­li­giniń Ekonomıkalyq zertteý ıns­tıtý­tynyń málimeti boıynsha, AQSh Qazaqstannyń eń iri ınvestorlarynyń úshtigine kiredi. Táýelsizdik alǵaly beri AQSh-tan bizdiń elge 57,5 mlrd dollar kóleminde tikeleı ınvestısııa quıylǵan. Amerıkalyq ınvestorlar negizinen taý-ken ónerkásibi, munaı óńdeý, shıkizat sektorlarynda úlken úleske ıe. 2022 jyldyń 1 qańtaryndaǵy jaǵdaı boıynsha elimizde amerıkalyq kapıtaldyń qatysýymen 695 kásiporyn tirkelipti. Onyń 658-i – shaǵyn, 15-i – orta, al 22-si iri kásiporyndar.

Reseıdegi kúrdeli ahýalǵa baılanysty Qazaqstanda jumys isteıtin amerıkalyq kompanııalar sany odan ári kóbeıýi múmkin. Qazir birqatar sheteldik gıgant Reseı naryǵyn tastap ketti jáne tyń naryq izdeý ústinde. Bul rette Qazaqstan tartymdy ınvestısııalyq klımat usyna alady jáne relokasııa boıynsha kez kelgen usynysqa ashyq ekenin Prezıdent Qasym-Jomart Toqaev ta málimdedi. Úkimet qazir osy másele boıynsha belsendi jumys júrgizip jatyr.

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar