Parlament • 04 Qazan, 2022

Senatta Qazaqstan men Ispanııa arasyndaǵy yntymaqtastyq máseleleri talqylandy

41 ret kórsetildi

Senattyń Halyqaralyq qatynastar, qorǵanys jáne qaýipsizdik komıtetiniń tóraǵasy Muhtar Qul-Muhammed Ispanııanyń Qazaqstandaǵy Tótenshe jáne О́kiletti Elshisi Horhe Ýrbıolamen kezdesti, dep jazady Egemen.kz.

Senator óz sózinde Qazaqstan men Ispanııanyń strategııalyq áriptestigi deńgeıiniń joǵary ekenin aıta kelip, Astana men Madrıd arasynda ekijaqty qatynastar men halyqaralyq saıasattyń barlyq salasynda ózara tolyq túsinistik qalyptasqanyn atap ótti.

«Parlamentaralyq yntymaqtastyq boıynsha jaqsy nátıjege qol jetip keledi. Qazaqstan Parlamentiniń eki palatasynda da Ispanııamen yntymaqtastyq jónindegi toptar jumys isteıdi. Men Sizdiń elińizben yntymaqtastyq jónindegi Senattaǵy toptyń jetekshisimin. Bizdiń depýtattar halyqaralyq uıymdar, atap aıtqanda, Parlamentaralyq Odaq jáne EQYU Parlamenttik Assambleıasy aıasynda ıspan áriptesterimen qarym-qatynasty damytýǵa nıettenip otyr», dedi depýtat.

Muhtar Qul-Muhammed Memleket basshysynyń bastamasymen elimizde júrgizilip jatqan reformalarǵa toqtalyp, aldaǵy kezekten tys prezıdenttik saılaý týraly habardar etti. Ol elimizde júrgizilip jatqan aýqymdy jumystar el azamattaryn demokratııalyq transformasııa ıdeıasy tóńireginde biriktirýge múmkindik beretinin atap ótti.

Horhe Ýrbıola óz kezeginde eki eldiń yntymaqtastyǵyn odan ári nyǵaıtýdyń mańyzdylyǵyn atap ótti jáne memleketter arasyndaǵy dıplomatııalyq qatynastar ornaǵan sátten bastap 30 jyl ishinde Qazaqstan ózin senimdi saıası jáne ekonomıkalyq áriptes retinde kórsetip kele jatqanyn jetkizdi.

Taraptar kezdesý barysynda Qazaqstan men EO-nyń keńeıtilgen áriptestigi men yntymaqtastyǵy týraly kelisimdi iske asyrý jónindegi birlesken jumystardy talqylady. Atap aıtqanda, «jasyl» ekonomıkaǵa kóshý, saýda jáne ınvestısııalar, energetıka, aýyl sharýashylyǵy, kólik jáne logıstıka, sondaı-aq klımattyq ózgerister sııaqty baǵyttardaǵy yntymaqtastyqtyń mańyzy zor ekeni aıtyldy.

Sońǵy jańalyqtar

Elordada gazel avtokóligi janyp ketti

Elorda • Búgin, 12:18

Uqsas jańalyqtar