«Qazaqstan quramasynyń Ulttar lıgasyndaǵy jeńisi otandyq fýtboldyń tarıhyna endi. Tájirıbeli bapker Magomed Musaulyn shaqyryp, alǵashqy mindetterdi oryndaı aldyq. Bizdiń basty maqsat áli júzege asyrylǵan joq. Alda 2024 jylǵy Eýropa chempıonatynyń irikteý kezeńi men ótpeli oıyndar kútip tur. Bastalǵan jumysty ári qaraı jalǵastyrǵymyz keledi. Ol úshin bizdiń fýtboldy jaqsy júıege qoıý qajet», dep atap ótti Qazaqstan fýtbol federasııasynyń prezıdenti Ádilet Barmenqulov.
M. Adıev Qazaqstan fýtbol federasııasyna senim bildirgeni úshin, komandaǵa jankeshti oıyn kórsetkeni úshin, al jankúıerlerge qoldaý kórsetkeni úshin alǵysyn aıtty.
«Biz maýsymnyń basty mindeti - «V» Lıgasyna shyǵý josparyn oryndadyq. 2024 jylǵy Eýropa chempıonatynyń aldaǵy oıyndarynda jańa jetistikterge jetý úshin komandamen jumysty jalǵastyrǵym keledi. Alǵa qoıylǵan mindetterdi júzege asyrý úshin bar kúshimizdi salamyz», deıdi Qazaqstan quramasynyń bas bapkeri Magomed Adıev.
Aıta keteıik, Magomed Adıev Qazaqstan ulttyq quramasynyń bas bapkeri bolyp bıyl mamyr aıynda taǵaıyndalǵan. Onyń jetekshiligimen Qazaqstan quramasy óz tobynda birinshi oryn alyp, ÝEFA Ulttar lıgasynyń V lıgasyna shyqty.
Osylaısha, otandyq fýtbol jankúıerleriniń kóńilinen shyqqan bapker ulttyq quramada qalatyn boldy.
