Taqtaıdaı tegis jolmen júremiz

Avtokólik joldaryn damytý baǵytyndaǵy jumystar «Qýatty óńirler – el damýy­nyń draıve­ri» ulttyq jobasy sheńberinde iske asyrylmaq. Onyń aıasynda 2022 jyly res­pýblıkalyq ma­ńy­zy bar jol­dardyń 91 paıyzyn, jer­gilik­ti joldardyń 85 paıy­zyn nor­­matıvtik jaǵdaıǵa kel­tirý josparlanǵan. Buǵan de­ıin Mem­leket basshysy 2025 jyl­ǵa de­ıin qalypty jaǵdaıdaǵy jer­gilikti joldardyń úlesin 95 pa­ıyz­ǵa deıin jetkizýdi tapsyrǵan bo­latyn. Bul másele Indýstrııa jáne ınfraqurylymdyq damý mınıstrliginiń turaqty ári jiti baqylaýynda.

Jetisý oblysyndaǵy avtomobıl joldary sala­syn­da júzege asy­rylyp jat­qan jobalar týrasynda aıtar bolsaq, 2021 jyldan beri respýblıkalyq bıýdjet qarajaty esebinen «Sa­ry­ózek – Kóktal» avtokólik jo­lynda kúr­deli jóndeý jumys­tary júrgizilip jatyr. Sondaı-aq «Kóktal – Jar­kent – Qorǵas» baǵytyndaǵy jol­dyń 31 shaqy­rymynda (130-145, 306-322) orta­sha jóndeý ju­mystary iske asyrylýda.

2023-2025 jyldarǵa ar­nal­­ǵan res­pýblıkalyq bıýdjet jobasyn­da atalǵan qury­lystar men jón­deý jumys­­taryn to­lyǵymen aıaq­taýǵa qa­­jetti bar­lyq qarajat qaras­ty­ryl­ǵan. Avtokólik jol­da­ry­nyń ózge ýchas­keleriniń tehnı­ka­lyq jaǵ­daıy joldardy kútip us­taý aıasyndaǵy jol-jóndeý jumys­tary esebinen júrgizilmek.

Jetisý oblysy ákiminiń bas­pa­sóz qyzmetiniń málimetinshe, bu­dan ózge, aldaǵy eki jylda «Lepsi – Balqash» jol jelisiniń qu­ry­lysyn aıaqtaý kózdelgen. 2018 jyly jalpy uzyndyǵy 110 sha­qyrymdy quraıtyn «Almaty – О́skemen – Lepsi – Aqtoǵaı» ba­ǵytyndaǵy avtomobıl jolyn qaıta jańǵyrtý jumysta­ry qolǵa alynǵan bolatyn. Atal­ǵan joba eki ýchaskege bólinip iske asyrylady. 2021 jyly birinshi ýchaskedegi qurylys jumysta­ry tolyǵymen aıaqtalyp, nysan paıdalanýǵa berildi. Al ekinshi ýchaskedegi jumystar 2024 jyly aıaqtalmaq.

Al «Burqan bulaq» sarqy­ra­masyna deıingi jol jóndeý jobasy týrasynda aıtar bolsaq, aldyn ala joba boıynsha jol jelisi Eskeldi aýdanyndaǵy Qora shatqaly arqyly Tekeli qalasynan «Burhan bulaq» sarqyrmasyna deıin jalǵasa­dy. Búginde oblys ákimdigi­men birlesip jobalaý-izdestirý ju­mystary júrgizilýde. Atal­ǵan jol ýchaskesi boıynsha joba­lyq-smetalyq qujattamany daıarlaý 2023 jyly tolyǵymen aıaqtalmaq.

Jetisý oblysy