«Azamattarǵa revolverlik jolmen qaıtqan, ıaǵnı jazda qaryz alyp, aı saıyn tólep otyrǵan turǵyndardan túsken aqsha beriledi. Sondyqtan bul joly kóp ótinim qabyldanbaıdy. Qarajat taýsylǵan soń portal jabylady da, bir aıdan keıin qaıta qosylady. Ol ashylatyn kúndi operator aldyn ala habarlaıdy», delingen aqparda.
Birshama ýaqyt buryn О́nerkásipti damytý qory baǵdarlama boıynsha bıyl 1 qyrkúıekke deıin bankter 13 307 nesıe maquldap, 11 myń avtomobıldiń kiltin ıelerine bergenin habarlaǵan bolatyn. Aqshanyń revolverlik jolmen qaıtýy jyl saıyn 7,7 mln teńgelik – 1 858 avto, 10 mln teńge turatyn 1 430 mashına alýǵa múmkindik beredi. Osylaısha, 30 jylda elimizde 60 myńǵa jýyq avtokólik jańarady.
Eske salaıyq, jeńildetilgen avtonesıe baǵdarlamasy bıyl elimizde 16 mamyrda bastaldy. Onyń sharttary – paıyzdyq mólsherlemesi 4 paıyzdan aspaıdy, nesıe somasy – 10 mln teńgeden artyq emes. Bul rette tutynýshylardan alǵashqy tólem talap etilmeıdi, al qaryzdy qaıtarý merzimi 7 jyldan aspaıdy. Transport quny 15 mln teńgeden artyq bolmaýǵa tıis.
