Týrnır úsh kún boıy – 26-28 jeltoqsan aralyǵynda Almaty qalasynda ótti.
Oǵan Qytaı, Úndistan, Reseı jáne basqa da elderdiń atynan shyqqan álemniń úzdik sportshylary qatysty.
Rapıd – oılaýdyń ýaqyty shekteýli oıyn túri. Almatydaǵy týrnırlik qashyqtyq 11 týrdan turdy. Berilgen ýaqyt - búkil oıyn úshin árbir qatysýshyǵa 15 mınýt + 10 sekýnd.
Týrnır barysynda qazaqstandyq shahmatshy álemniń eń myqty shahmatshylarynyń biri reseılik Aleksandra Gorıachkınany jeńdi.
Týrnırlik qashyqtyqty baǵyndyrǵan Qazaqstan sportshysy qytaılyq Tan Chjýnımen birdeı upaı jınady - 11 múmkin upaıdyń 8,5-i. Osylaısha, qyzdar chempıonattyń 1-shi jáne 2-shi oryndaryn ózara bólýge májbúr boldy.
Mundaı jaǵdaılarda árqashan taı-breık oınalady. Birinshi oıynda eki sportshy teń tússe, ekinshi oıynda Dınara jeńilis tapty. Aıta keteıik, taı-breıkke deıin Tan Chjýnı dopıng-test tapsyrýdan bas tartqan edi. Oıyndardy erterek aıaqtaǵan Dınara prosedýradan ótti.
Qazaqstandyq eń bedeldi halyqaralyq grossmeısterlerdiń biri - ýkraınalyq Aleksandr Areshenkomen seriktestikte jumys isteıdi. Ol Dınaranyń daıyndyǵyn oń baǵalady.
Aıta ketsek, Dınara Sádýaqasova 29 jáne 30 jeltoqsanda Almatyda ótetin blısten álem chempıonatyna, sondaı-aq jarystyń resmı jabylýyna qatysa almaıdy.
Bul rette sportshy áriptesterine aldaǵy oıyndarda sáttilik tilep, uıymdastyrýshylarǵa alǵysyn bildirdi.
