Qundy jádigerlerde elimizdiń tarıhy týraly aqparat bar. Olarmen qazir tarıhshylar men ǵalymdar jumys istep jatyr. Qujattar Vengrııa, Germanııa, Italııa sııaqty Eýroodaq elderinen ákelingen.
Sonymen qatar Ashat Oralov ótken jyly Mádenıet jáne sport mınıstrliginiń júıeli jumysynyń nátıjesinde 18 arheologııalyq zertteý júrgizilip, elimizdiń túrli óńirlerinde 30 eskertkish qalpyna keltirilgenin atap ótti. Olardyń ishinde atap aıtqanda Áziret Sultan mýzeı-qoryǵy, Otyrar qalashyǵy, Jarkent meshiti, Botaı qonysy, Bókeı Ordasy, Ahmet Baıtursynuly múzeı-úıi, Beket ata jer asty meshiti nysandary bar.
«Mınıstrlik shetelden ákelingen tarıhı qujattardaǵy aqparattyń ǵalymdardyń zertteýlerinen keıin jarııa bolýy úshin jumys júrgizetin bolady. Bul kózi qaraqty oqyrmandarymyzdyń elimizdiń tarıhy týraly jańa bilim alýy úshin óte mańyzdy. Sonymen qatar mınıstrlik sapaly kitaptar shyǵarýǵa erekshe kóńil bóledi. 2022 jyly óńirlerge 506 myń dana kitap jiberildi. Bıyl bul baǵyttaǵy jumys kúsheıtiledi. Biz elimizdiń kitaphanalaryn sapaly ádebıettermen qamtamasyz etetin bolamyz», dedi mınıstr.
