Erjan Birjanov kópshilikti mazalaǵan bankrottyq máselesine qatysty suraqtarǵa jaýap berdi.
«Azamattarǵa 5 jyl ishinde (lombardtardyń mıkrokredıtterin alýdan basqa) bankterden jáne mıkroqarjy uıymdarynan kredıt berilmeıdi. Sonymen qatar 7 jyldyń ishinde qaıta bankrottyqqa júgine almaıdy. Olardyń qarjylyq jaǵdaıy bankrottyqtan keıin úsh jyl boıy tekseriledi. Tólem qabilettiligin qalpyna keltirý kezinde mundaı saldar qoldanylmaıdy», dedi E.Birjanov.
Vıse-mınıstrdiń aıtýynsha, ózin bankrot retinde jarııalaǵan adam 7 jyl boryshkerlerdiń tiziminde turady. Keıinirek 7 jyldan keıin qaıta nesıe alý múmkindigi azaıady. Bank birden bas tartýy múmkin. Sebebi barlyq bankte boryshkerler tizimi týraly málimet alýǵa múmkindik bolady. Osyndaı jaǵdaılardy eskerip, bankrottyqtyń sońǵy amal ekenin túsiný kerek.
Gúlshahra SANSYZBAI
