Kúni keshe Portýgalııanyń Almada qalasyndaǵy dzıýdodan gran-prıdiń 2 - kúni aıaqtaldy. Qazaqstan quramasynyń qorjynyna 73 kelige deıingi salmaqta baq synaǵan Jansaı Smaǵulov júldeli oryndardyń birine ıe boldy, dep habarlaıdy Egemen.kz Mádenıet jáne sport mınıstrliginiń baspasóz qyzmetine silteme jasap.
Tájirıbeli otandasymyz fınalda ózbekstandyq Obıdhon Nomonovqa ese jiberip aldy.
Jansaı Smaǵulov irikteý kezeńinde áýeli shved Olof Hermodssondy, sosyn ýkraınalyq Vladıslav Kazımırov pen belgııalyq Ierýn Kasseni utyp, V tobynan shyqty. Jartylaı fınalda A tobynyń jeńimpazy ıspan Hose Antonıo Arandanyń jaýyrynyn jerge tıgizdi.
Osy salmaqtaǵy taǵy bir qazaqstandyq Ańsarbek Ǵaınýllın gambııalyq Feı Ndjıdi (shıdo sanymen) jáne portýgalııalyq Saba Danelııany utqanymen, ázerbaıjandyq Nurlan Osmanovtan utylyp qaldy.
Barlyǵy 73 kelige deıingi salmaqta 60 dzıýdoshy synǵa tústi.
Qazir Qazaqstan quramasy jalpy esepte 1 altyn jáne 2 kúmis medalmen 2 - orynda tur.
Aıta keteıik, gran-prı 29 qańtarǵa deıin Tejý ózeniniń jaǵasynda ótedi. Munda 81 eldiń 550-ge jýyq tatamı sheberi reıtıng upaıy úshin talasyp jatyr.
Gúlshahra SANSYZBAI
Qazaqstan ónerpazdary «Teatr barysyn» anyqtaıdy
Sport • Búgin, 12:08
Nurbah Rústemov qyzmetinen bosatyldy
Qoǵam • Búgin, 11:51
Kım Chen Yn taq muragerin tańdady
Álem • Búgin, 11:47
Qazaqstannyń Rýmynııa jáne Slovenııadaǵy elshileri taǵaıyndaldy
Taǵaıyndaý • Búgin, 11:45
Elordadaǵy Beısekova kóshesi erteńnen bastap jabylady
Qoǵam • Búgin, 11:33
Iýta shtaty jasóspirimderdiń áleýmettik jelige kirýine shekteý qoıdy
Álem • Búgin, 11:22
Uqsas jańalyqtar
