Mádenıet jáne sport mınıstri Ashat Oralov Ispanııanyń Qazaqstandaǵy elshisi Horhe Ýrbıolamen kezdesti. Kezdesýde eki memlekettiń ózara qarym-qatynasy, sondaı-aq Almatyda jol-aınalma motojarysynan Moto GP - álem chempıonatynyń kezeńin ótkizý máseleleri talqylandy, dep habarlaıdy Egemen.kz mınıstrliktiń baspasóz qyzmetine silteme jasap.
Ashat Oralov sporttyq dıplomatııa elder arasyndaǵy yntymaqtastyqty nyǵaıtyp, týrısterdi kóptep tartatynyn atap ótti.
«Mundaı jobalar týrısterdi tartýdyń tamasha múmkindigi jáne elder arasyndaǵy dostyq qarym-qatynastyń kópiri bolýy kerek. Sonymen qatar jarysty uıymdastyrý memlekettik bıýdjetke eshqandaı da salmaq túsirmeıdi. Biz Ispanııa elshiligimen belsendi qarym-qatynas ornattyq», dep atap ótti mınıstr Ashat Oralov.
Ispanııa elshisi Moto GP — bul basty jáne eń bedeldi motosıkl jarysy ekenin atap ótti. Týrnırge álemdegi eń myqty shabandozdar, sondaı-aq motosıkl tehnıkasynyń ozyq óndirýshileri: Aprilia, Ducati, Honda, Suzuki, KTM jáne Yamaha qatysady.
«Bul týrnır «Formýla-1» jarysynan kem túspeıdi jáne fýtboldan álem chempıonaty men olımpıada oıyndarynyń qatarynda tur. Moto GP - 70 jyldyq tarıhy bar motosıkl jarystarynyń úsh sanatynyń ishindegi eń tanymaly. Ony búkil álem boıynsha 250 myńnan astam kórermen tamashalaıdy, al 40 myńǵa jýyq týrıst keledi. Zertteýlerge sáıkes, is-sharany ótkizgennen keıin de 3-5 jyl ishinde jarys ornyna orta eseppen 5 mıllıonnan astam týrıst keledi. Birlesken sporttyq is-sharalar memleketter arasyndaǵy qatynastarǵa ǵana emes, eldiń týrıstik ımıdjine de oń áser etedi», deıdi Horhe Ýrbıola.
Almaty Sokol race Track avtodromynyń ókili Vladıslav Stepnov alańnyń qonaqtardy qabyldaýǵa daıyn ekenin aıtty.
«Sokol Race track avtodromy 105 myńǵa jýyq adamdy yńǵaıly ornalastyra alady. Moto GP sııaqty aýqymdy is-sharany ótkizý biz úshin úlken mártebe. Qazirgi ýaqytta qos tarap — biz jáne ıspandyq seriktester osyndaı aýqymdy is-sharany ótkizýge daıynbyz», dedi Stepnov.
Koreıada ustalǵan ekinshi qazaqstandyq 15 jylǵa sottalýy múmkin
Qoǵam • Búgin, 14:11
Shyǵys óńirinde Ulttyq ulannyń bas áskerı tárbıeshisi taǵaıyndaldy
Aımaqtar • Búgin, 14:06
Almatyda depýtattyq korpýs 66,7% jańartyldy
Aımaqtar • Búgin, 13:48
TikTok-ta Naýryz merekesi týraly beınerolıkter 120 mln ret qaraldy
Qoǵam • Búgin, 13:34
Almatyda 105 myń turǵyn kólik salyǵyn tólemegen
Qoǵam • Búgin, 13:10
Álıhan Smaıylov alda atqaratyn jumystar jaıynda aıtty
Úkimet • Búgin, 12:55
Uqsas jańalyqtar
