Qoǵam • 16 Aqpan, 2023

«Pııazdy qaptap satyp alýdyń qajeti joq»: Jumanǵarın halyqty dúrbeleńge salynbaýǵa shaqyrdy

290 ret

kórsetildi

2 mın

oqý úshin

16 aqpanda ótken Senat otyrysynda Saýda jáne ıntegrasııa mınıstri Serik Jumanǵarın eldegi ınflıasııany tejeý maqsatynda qabyldanyp jatqan sharalar jaıyn tarqatty, dep habarlaıdy Egemen.kz.

Botakóz BAQBERGEN

«Pııazdy qaptap satyp alýdyń qajeti joq»: Jumanǵarın halyqty dúrbeleńge salynbaýǵa shaqyrdy

Serik Jumanǵarınniń aıtýynsha, byltyr Úkimet jyl boıy qarjy resýrsyn birshama shoǵyrlandyryp otyrǵan.

«Biz shamamen 100 mıllıard teńge jınadyq, qant baǵasyn jabý úshin qantqa 25 mıllıard teńge bóldik. Jaqyn arada tórtinshi qant zaýyty iske qosylady, ol kópten beri bosqa turyp, qaıta jańǵyrtyldy. Al qalǵan qarajatqa kartop, sábiz, pııaz, qyryqqabat satyp alyp, ony aqpan-mamyr aılary aralyǵynda azamattardyń suranysyn qanaǵattandyrýǵa jetkilikti kólemde jumsadyq. Qoımalarda ónim ataýlary jetkilikti», dep túsindirdi Serik Jumanǵarın.

Ol halyqtyń ınflıasııalyq boljamy taýarlar men azyq-túlik qunyna birshama áser etetinin málimdedi.

«Qazir bul salada áreket etetin birden-bir tendensııa - halyqtyń ınflıasııalyq boljamy. Basqa eshteńe joq. Al ony saýdagerler, satýshylar paıdalanady, baǵany únemi kóterip otyrady. Sondyqtan biz qazir bul ónim massasyn 704 saýda orny arqyly taratyp jatyrmyz. Mindetti túrde kassasy bar saýda núktelerinde baǵa baqylanady, bizdiń saýda bólimsheleri baǵany kúnine úsh ret túsiredi, baqylaıdy. Sapasy jaqsy pııazdy 130 teńgeden satady. Ony qaptap satyp alýdyń qajeti joq. Burynǵydaı bir-eki keli satyp alýǵa bolady. Qazir kúrishtiń baǵasyn túsirip jatyrmyz, memorandýmǵa qol qoıdyq. Alańdaýǵa esh negiz joq», dep qosty mınıstr.

Jumanǵarın atap ótkendeı, Saýda jáne ıntegrasııa mınıstrliginiń basty mindeti – tapshylyqtyń aldyn alý, baǵany turaqtandyryp, tómendeý úrdisin qurý.