Ishki ister mınıstri Marat Ahmetjanov depýtattardy polısııa qyzmetine negizgi IT - ónimder men zııatkerlik sıfrlyq júıeni engizýdiń negizgi baǵyttarymen tanystyrdy. Sondaı-aq salany odan ári jańǵyrtý jáne qylmysqa qarsy kúresti ońtaılandyrý jónindegi óz oılarymen bólisti.
Senatorlar elimizdiń halqyn tolǵandyryp otyrǵan birqatar máselelerdi, atap aıtqanda, «Sergek» kameralary jumysynyń tıimdiligi, elektrondy bilezikterdi engizýdi, avtomektepter men tehnıkalyq baıqaý ortalyqtarynyń qyzmetin lısenzııalaýdy talqylady.
«Qazir ishki ister organdary qyzmetiniń barlyq baǵytyndaǵy jumysqa yqpal etetin zańnamalyq sharalardy qabyldaý jóninde aýqymdy jumystar júzege asýda. Ol kúndelikti qoǵamdyq tártipti qamtamasyz etý, qylmyspen kúresý máselelerine de, basbostandyǵynan aıyrý oryndaryndaǵy jaǵdaıǵa da qatysty. Osy sharalardyń báriMemleket basshysynyń quqyq ústemdigin qamtamasyz etý jáne qoǵamdyq qaýipsizdikti kúsheıtý jónindegi tapsyrmasyn iske asyrýǵa baǵyttalǵan», dep atap ótti senator Andreı Lýkın.
Depýtattar kezdesýdi qorytyndylaı kelip ishki ister organdarynyń qyzmetin jetildirýdi kózdeıtin syndarly jumystardy mınıstrlikpen birlese otyryp júzege asyrýǵa senim bildirdi.
