«Qıyn sátte halyqaralyq qaýymdastyqtyń túrik halqyna qoldaý kórsetýi Rejep beıdiń joǵary bedeli men eline jasap jatqan rııasyz qyzmetiniń nátıjesi dep sanaımyn. Bıyl Túrkııa Respýblıkasyna 100 jyl tolady. Bul – úlken tarıhı meje. Túrkııa qysqa merzim ishinde qýatty, yqpaldy memleketke aınaldy. Onyń halyqaralyq yqpaly jáne bedeli, rasynda, óte kúshti. Osy jerde Rejep Taıyp Erdoǵannyń eńbegi jáne úlesi aıqyn. Ony búkil álem moıyndap jatyr», dedi Prezıdent.
Bul rette, Prezıdent Rejep Taıyp Erdoǵan myrzaǵa aldaǵy Prezıdent jáne Parlament saılaýynda sáttilik tiledi.
Sondaı-aq Memleket basshysy barsha túrki jurtyn kele jatqan Ulystyń uly kúni – Naýryz merekesimen quttyqtady.
«Barshańyzdy kele jatqan Ulystyń uly kúni – Naýryz merekesimen quttyqtaımyn! Tutas túrki jurtyna ortaq Áz-Naýryz bárimizge baq-bereke ákelsin! Sonymen qatar Naýryzben tuspa-tus keletin on eki aıdyń sultany – qasıetti Ramazannyń bastalýyna oraı izgi tilekterimdi qabyl alyńyzdar», dep tilegin bildirdi Prezıdent.
