Mınıstrdiń jazýynsha, jeti baǵyttan turatyn Tujyrymdamanyń negizgi baǵyttarynyń biri – aýyl jastaryn kásibı turǵyda damytý, kásipkerlik arqyly olardyń áleýetin iske asyrýǵa basa nazar aýdarý. Onyń aıasynda 2029 jylǵa deıin 1 mıllıon aýyl jastaryn jumyspen qamtý, 3,8 mıllıon jasty resýrstyq ortalyqtar arqyly áleýmettik qyzmettermen qamtý kózdelgen.
2029 jylǵa deıin qoǵamdyq keńesterde jastar kvotasyn 20%-ǵa arttyrý, jas memlekettik qyzmetshilerdiń kórsetkishin 25%-ǵa ulǵaıtý, 2,2 mln jasty volonterlik, qaıyrymdylyq jáne ekologııalyq bastamalarǵa tartý josparlanyp otyr.
Negizgi maqsattardyń biri – NEET sanatyndaǵy jastardyń úlesi 6,7%-dan 3,5%-ǵa deıin tómendetý.
2029 jylǵa deıin 18,2 myń jasqa jeńildetilgen nesıe beriledi. Sondaı-aq 2,3 mıllıon jasty jumyspen, 2,8 mıllıon jasty joǵary bilimmen qamtý kózdelip otyr.
«Úkimet basshysy qol qoıǵan tujyrymdama jastar saıasatyn odan ári damytýǵa oń áser etedi dep senemiz», dep jazdy mınıstr.
