Qoljetimdi sýbsıdııa

Aýyl sharýashylyǵy mınıstr­liginiń habarlaýynsha, bul jańa­lyq aýyl sharýashylyǵy ónim­de­rin óndirý jáne (nemese) qaıta óńdeý salasyndaǵy EQJJ-ǵa sáı­­kes kelmeıtin bir kún­dik fır­malar­dyń, jalǵan kásip­oryndar men sýbektilerdiń sýbsıdııa alýyn boldyrmaý maqsatynda engi­zildi.

Budan basqa sýbsıdııalaýdyń ashyqtyǵyn arttyrý jáne bıýdjet qarajatyn maqsatsyz paıdalanýdy bolǵyzbaý úshin sýbsıdııa­laý tetigin iske asyrý bóliginde qarjy ınstıtýttary men qaryz alýshylarǵa qoıylatyn talaptar kúsheıtildi. Qaǵıdalardyń jańa redaksııasyna sáıkes, qarjy ıns­tıtýty qaryz alýshynyń (kórse­tiletin qyzmetti alýshynyń) qa­ryz shartynyń talaptaryn saq­taýyn, onyń ishinde kredıt berýge arnalǵan qaryz sharty boıynsha qarajatty tolyq ıgerý jáne ny­sa­naly paıdalaný boıynsha tekse­­rýdi qamtamasyz etedi, al qaryz alýshy qarjy ınstıtýtyna kre­­dıt­­­tik qarajatty nysanaly paıda­la­ný týraly tıisti aqparatty usynady.

Sondaı-aq Qaǵıdalardyń jańa redaksııasynda 2022 jyly Ulttyq Banktiń bazalyq mólsherlemesi ulǵaıǵanǵa deıin qaryz sharttaryn jasasqan AО́K sýbektilerin sýbsıdııalaýǵa qol jetkizýdi qam­ta­masyz etýge baǵyttalǵan normalar kózdelgen, buǵan qosa bazalyq mólsherlemeni eskere otyryp, sýb­sıdııalaý tetigi saqtalǵan. Bul túzetýler sýbsıdııalaýǵa, onyń ishinde «Qarapaıym zattar ekonomıkasy» baǵdarlamasyna qaty­sýshy fermerlerge qol jetkizýge múmkindik beredi.

Taǵy bir mańyzdy ózgeris – qaıta qarjylandyrylatyn qaryzdardyń syıaqy mólsher­le­melerin sýbsıdııalaý baǵdarlama­syna qatysý úshin múmkindikti qosý. Bul fermerlerge kredıt berýdiń neǵurlym tartymdy sharttary bar bir qarjy ınstıtýtynan ekinshisine – qarjylandyrýdyń neǵurlym ıkemdi sharttarymen aýysý múmkindigin beredi, bul rette syıaqy mólsherlemelerin sýbsıdııalaý túrindegi memlekettik qoldaýǵa qoljetimdilik saqtalady.

Sondaı-aq Qaǵıdalardyń jańa redaksııasy kúshine engen kezde sýbsıdııalaýǵa qol jetkizýdi sýbsıdııalaý baǵdarlamasyna qaıta qatysqysy keletin, sharttary qaıta qatysýǵa usynys berilgenge deıin 4 jyldan astam jáne odan da kóp ýaqyt qoldanylatyn AО́K sýbektileri alady. Bul qıyn qarjylyq jaǵdaıǵa baılanysty sýbsıdııalaý baǵdarlamasynan shyǵarylǵan fermerlerge qaryz shartyn jasasý kúnine qaramastan baǵdarlamaǵa qatysýyn qalpyna keltirýge múmkindik beredi.

Aıta keteıik, Qaǵıdalarda aýyl sharýashylyǵy kooperatıviniń múshelerinen osy músheler tu­ra­tyn aýyl sharýashylyǵy koope­­ra­tıvine boryshty aýdarý sebe­bi boıynsha qaryz shartyna tıisti ózgerister engizilgen jaǵ­daı­da, aýyl sharýashylyǵy koope­ratıviniń qaryz sharttary boıyn­sha boryshty óz múshelerine aýystyrý kezinde, aýyl sharýashy­lyǵy kooperatıviniń qaryz shart­tary boıynsha boryshty aýyl sharýa­shylyǵy kooperatıviniń basqa múshesine berý kezinde, son­daı-aq dara kásipker retinde qyz­mettiń bastalǵany týraly ha­bar­­lamada kórsetilgen derekter ózgergen kezde sýbsıdııalaý shar­ty­nyń derektemelerin ózgertý múm­kin­digi kózdelgen.

Munyń barlyǵy fermerlerdiń kredıttik qarajatqa qolje­timdi­ligin arttyrýǵa, kredıttik júk­te­meni azaıtýǵa jáne bıýdjet qarajatynyń maqsatty paıdala­nylýyn qamtamasyz etýge múmkin­dik beredi.