«Qazaqstandyq otyn qaýymdastyǵynyń jáne naryq sýbektileriniń kólik qyzmetterine (kólik-ekspedıtorlyq qyzmetter, vagondardy berý jáne jınaý jónindegi qyzmetter) shyǵyndardyń ulǵaıýyna, SMG-ny birqatar oblysta ótkizý kezinde shekti baǵalady kóterý qajettiligi týraly (5-ten 10 teńge sheginde) ótinishterin eskere otyryp, kólik qyzmetterine (kólik-ekspedıtorlyq qyzmetter, vagondardy berý jáne jınaý jónindegi qyzmetter) avtomobılge gaz quıý stansalary men gaz jınaqtaý pýnktterin, jalaqy qoryn, bógde uıymdardyń qyzmetterin ustaý jáne olarǵa qyzmet kórsetý, «QTJ-Júk tasymaly» magıstraldyq temir joldary boıynsha júkterdi tasymaldaýǵa arnalǵan tarıfter SMG-daǵy belgilengen baǵalardy burynǵy deńgeıde saqtaı otyryp, SMG-ny ótkizýdi shekteý jáne onyń tapshylyǵy táýekelderi týyndaıdy», delingen qaýlyda.
Osyǵan baılanysty Shyǵys Qazaqstan oblysynda, Abaı oblysynda, Almaty oblysynda, Soltústik Qazaqstan oblysynda jáne Almaty qalasynda SMG-ny bólshek saýdada satý baǵasyn ózgertý usynylady. Naqtylap aıtqanda, suıytylǵan munaı gazynyń baǵasy Almatyda – lıtrine 65-ten 75 teńgege, Almaty oblysynda 70-ten 75 teńgege, Shyǵys Qazaqstan oblysynda – 60-tan 70 teńgege, Soltústik Qazaqstan oblysynda 70-ten 75 teńgege jáne Abaı oblysynda 60-tan 65 teńgege kóterilmek.
Sondaı-aq osy óńirlerdegi shalǵaı aýdandardaǵy baǵalar da ósedi. Elimizdiń ózge aımaqtaryndaǵy SMG-nyń bólshek baǵasy ózgerissiz qaldy. Buıryq jobasy 17 sáýirge deıin qoǵamdyq talqylaýǵa usynylady.
«Memleket basshysynyń 2022 jylǵy 5 qańtardaǵy tapsyrmasy boıynsha Qazaqstan Respýblıkasy Kásipkerlik kodeksiniń 119-babyna sáıkes Agenttik Tóraǵasynyń mindetin atqarýshysynyń 2022 jylǵy 5 qańtardaǵy №1 buıryǵymen avtogaz quıý stansalarynan suıytylǵan munaı gazyn (budan ári – SMG) bólshek saýdada ótkizýge aımaqqa baılanysty lıtrine 50-den 70 teńgege deıingi shekti baǵalardy belgileı otyryp, ýaqytsha memlekettik baǵa retteý engizildi. Budan ári agenttiktiń 2022 jylǵy 5 shildedegi № 16 jáne 2022 jylǵy 27 jeltoqsandaǵy №20 buıryqtarymen osy shekti baǵalar 2023 jylǵy 30 maýsymǵa deıin uzartyldy», delinedi qaýly mátininde.
Ishki naryqta suıytylǵan munaı gazyn negizgi tutynýdyń 60%-dan astamy avtokólikke tıesili. 2019 jyldan bastap suıytylǵan gazǵa aýystyrylǵan avtokólik sany 2021 jylǵa qaraı 2,2 ese ósip, 310 myńnan astam birlikke jetti.
2021 jyly 3,17 mln tonna suıytylǵan munaı gazy óndirilse, 2022 jyl bul kórsetkish 2,82 mln tonnany qurady. Bıyl 2,86 mln tonna kóleminde SMG óndirilýge tıis.
