Otandyq elektr energetıkasy salasynyń basty operatory sanalatyn KEGOC kompanııasynda 4 myńnan astam adam jumys isteıdi. Sonyń 29 paıyzy – jastar. Bul kórsetkish jyldan-jylǵa ósip keledi. О́tken jyly KEGOC AQ ortalyq keńsesine 35 jasqa deıingi 23 qyzmetker, Ulttyq dıspetcherlik ortalyǵyna 4 jas maman jumysqa qabyldandy. Buǵan qosa, kompanııanyń el óńirlerinde ornalasqan 9 aımaqtyq fılıalynyń kadrlar quramy 215 jas mamanmen tolyqtyryldy.
KEGOC kompanııasynyń kadrlyq saıasatyna sáıkes jyl saıyn talantty jastar pýly jasaqtalady. О́tken jyldyń qorytyndysy boıynsha osy kadrlyq rezervke jastar sanatyndaǵy 29 maman engizilgen. Kompanııada qatardaǵy qyzmetkerlerge qosa, joǵary deńgeıdegi basshylyq laýazymdardy enshilegen jastar da kezdesedi. Olar – Strategııa jáne turaqty damý jónindegi basqarýshy dırektor, Qamtamasyz etý jáne qorlar departamentiniń dırektory jáne basqalar.
Kompanııa únemi nazarda ustaıtyn taǵy bir mańyzdy másele – qyzmetkerlerdiń áleýmettik jaǵdaıyn arttyrý jumystarynyń júıeli júrgizilýi. Sonyń biri – óndiristik jumyskerlerdiń jeńildetilgen ıpotekalyq nesıe arqyly baspana alýyna múmkindik beretin áleýmettik baǵdarlama. Bul ıgi bastamanyń negizgi maqsaty – joǵary suranysqa ıe, bilikti, tájirıbeli mamandarǵa áleýmettik qoldaý kórsetý arqyly olardy kompanııada turaqtandyrý. Nesıe baǵdarlamasy arqyly bıyl KEGOC AQ-nyń óńirlik fılıaldarynda jumys isteıtin 44 qyzmetkerdiń turǵynjaı alýyna múmkindik týǵyzyldy. Sonyń ishinde 31 jas mamannyń aldy qazir jańa páterlerge kirip, baspanaly bolyp jatyr.
– Nesıe baǵdarlamasy jumyskerlerdi kompanııamyzdaǵy jumysynda ornyqtyrýdy ǵana emes, sondaı-aq olardyń ál-aýqatyn arttyrýdy da kózdeıdi. О́ıtkeni qazirgideı jahandyq ekonomıkalyq turaqsyzdyq kezinde turǵynjaı alýǵa múmkindik beretin mundaı qoldaýdyń mańyzy óte zor dep esepteımin, – deıdi baspanaly bolǵan «Aqmola JET» fılıalynyń aǵa dıspetcheri Juman Qypshaqbaı.
KEGOC kompanııasynda 2013 jyldan beri Jastar isi jónindegi keńes jumys isteıdi. Keńestiń tóraǵasy bolyp Telekommýnıkasııa departamentiniń telekommýnıkasııalardy súıemeldeý tobynyń bas menedjeri Erkebulan Naýryzbaev bekitildi. Sondaı-aq keńestiń jumysyna óńirlik fılıaldardan jaýapty ókilder tartylǵan. Keńestiń jyldyq jumys jospary jasalǵannan keıin ony oryndaýǵa kompanııanyń búkil jas qyzmetkeri atsalysady.
О́tken jyly KEGOC AQ-da 2021-2025 jyldarǵa arnalǵan Ujymdyq shartqa ózgerister engizildi. Sonyń ishinde kompanııa jyl saıyn «Energotehkásipodaq» qoǵamdyq birlestigine mádenı-buqaralyq, sporttyq jáne ózge de is-sharalardy uıymdastyrý úshin, sondaı-aq jastar qozǵalysyn damytý úshin eńbekaqy tóleý qorynyń keminde 0,25 paıyzy mólsherinde qarjy bólýge mindetteldi.
Qazirgi kezde «Samuryq-Qazyna» ulttyq ál-aýqat qorynyń bastamasymen qurylǵan Sýpervaızerler ınstıtýty turaqty jumys isteıdi. Onyń maqsaty – portfeldik kompanııalardyń Jastar keńesteri arasynda ózara baılanys ornatý. Osy jumysty kompanııa tarapynan úılestirý úshin KEGOC AQ sýpervaızeri laýazymyna Adamı resýrstardy basqarý departamentiniń HR qyzmet kórsetý bóliminiń menedjeri Nurmuhamed Momyntaı arnaıy ýákil retinde taǵaıyndaldy. Endi kompanııa jastary qordyń ózge qurylymdaryndaǵy jas mamandarmen baılanys ornatyp, ózara tájirıbe almasa alady.
Sonyń bir aıǵaǵy – 2022 jylǵy 10-13 qarashada Túrkistan qalasynda ótkizilgen «Samuryq-Qazyna» AQ kompanııalary toby jastarynyń forýmy. Oǵan qatysqysy keletin jas qyzmetkerler chellendj baıqaýyna qatysyp, úzdik nátıjeler kórsetýge tıis bolatyn. Chellendj tujyrymdamasy úsh baǵytty qamtydy – fızıkalyq, emosııalyq jáne zııatkerlik tapsyrmalardy oryndaý. Nátıjesinde, kompanııanyń 19 belsendi jas mamany irikteýden ótip, forýmǵa joldama utyp aldy. Al forýmnyń qorytyndysy boıynsha KEGOC-tyń 3 qyzmetkeri «Jeti qadam» jas kóshbasshylardy damytý modýldik baǵdarlamasyna qatysý úshin iriktelip alyndy. Atalǵan baǵdarlama qorǵa kiretin kompanııalar toby jas mamandarynyń kóshbasshylyq áleýetin damytý, basqarý quzyretterin engizý tehnıkasymen jan-jaqty tanystyrý, kommýnıkatıvtik daǵdylaryn damytý, komandada jumys isteý, bıýdjettik josparlaý qaǵıdattaryn túsiný syndy ozyq tájirıbelerdi ıgerýin kózdeıdi.
Budan bólek, KEGOC AQ «Almaty JET» fılıalynyń qyzmetkerleri tájirıbe almasý jáne ESG qaǵıdattaryn engizý boıynsha strategııalyq sessııalar ótkizý úshin «Eır Astana» AQ oqý ortalyǵy men «Almaty elektr jelileri» AQ gıdroelektrstansasynda boldy.
Sondaı-aq kompanııa qyzmetkerlerin damytý jáne yntalandyrý maqsatynda KEGOC AQ basshylyǵy byltyrǵy qarashada kelesheginen úmit kúttiretin 40 jas mamanmen arnaıy kezdesý ótkizdi. Eki kúnge sozylǵan is-shara aqparattyq sessııalar men mádenı-tanymdyq jáne oqytý baǵdarlamaryn qamtydy.
Kompanııa jastary KEGOC AQ-tyń qurylǵanyna 25 jyl tolýyna oraı ótken sporttyq týrnırge, kompanııa qyzmetkerleriniń spartakıadasy men qordyń portfeldik kompanııalary arasyndaǵy sporttyq is-sharalarǵa belsene qatysty. Al Jastar keńesiniń músheleri sporttyq uıymdastyrý jumystaryna jumyldyryldy. Taǵy bir aıta ketetin jaıt, kompanııa jastary júgirý marafondary sııaqty buqaralyq sporttyq is-sharalarǵa qatysýda da belsendilik kórsetip keledi. Aıtalyq, KEGOC-tyń birneshe deńgeıli daıyndyqtan ótken tájirıbeli júırikteri Astana, Almaty jáne basqa qalalarda ótkizilgen 10, 21 jáne 42 shaqyrymdyq buqaralyq marafondarǵa qatysyp, kózge tústi.
Kompanııa jastarynyń qazaq jáne aǵylshyn tilderin meńgerý deńgeıin kóterý maqsatynda Speaking Club otyrystary, sondaı-aq QUIZ formatynda zııatkerlik oıyndar júıeli ótkizilip júr. Munyń barlyǵy jastardyń tilderdi jetik meńgerýine, ekonomıka, geografııa, tarıh boıynsha bilimderin tereńdetýge jáne logıkalyq oılaý daǵdylaryn damytýǵa septigi tıetin pikir alysý alańdary bolyp sanalady.
Jańadan kelgen jas mamandardy kompanııa jumysyna beıimdeý, onyń ishinde óndirispen jaqynyraq tanystyrý maqsatynda KEGOC AQ-ǵa qarasty «Aqmola JET» fılıalyna ekskýrsııalar uıymdastyrylady. Mundaı beıimdeý jumystarynyń aıasy jyldan-jylǵa keńeıtilmekshi.
Kompanııa jastarynyń qoǵamdyq ómirdegi belsendiligi de aıtarlyqtaı. Olar jyl saıyn «Mektepke jol» aksııasyna qatysyp, mektep oqýshylaryna qajetti oqý quraldary salynǵan rıýkzaktar tabys etip júr. Sondaı-aq Uly Otan soǵysynyń ardagerlerine jáne tyl eńbekkerlerine kómek qolyn sozyp, olarǵa azyq-túlik sebetterin tapsyrý jumystaryna atsalysyp keledi.
Buǵan qosa, kompanııada jáne óńirlik fılıaldarda kómekke muqtaj jandar úshin qaıyrymdylyq aksııalary jıi ótkizilip turady. Máselen, Jastar keńesi «Ońtústik JET» fılıalynda jumys isteıtin qyzmetkerdiń balasynyń emine qajetti qarajatty jınaý úshin kompanııanyń ortalyq keńsesinde «Júrekten-júrekke» qaıyrymdylyq aksııasyn ótkizdi. Jas qyzmetkerler toqash-bálishter, baýyrsaq, shyǵys táttileri jáne ystyq tamaqtar ákelip, is-sharaǵa kelgen qonaqtarǵa úlestirdi. Aksııa aıasynda jınalǵan 410 000 teńge balanyń emine jiberildi.
Jalpy, ótken jyly qaıyrymdylyq aksııalary men eriktiler qozǵalysy boıynsha is-sharalarǵa belsene atsalysqan KEGOC ujymy, «Energoteh-kásipodaq» jáne fılıaldardyń kásipodaq uıymdary muqtaj jandarǵa jalpy somasy 18,2 mıllıon teńge kóleminde kómek kórsetken. Osyndaı ıgi ister aldaǵy ýaqytta da jalǵasyn taba bermek.
Aqmaral Baıazıtova,
KEGOC AQ
Kommýnıkasııalar qyzmeti
