Senatorǵa qaladaǵy qazirgi jylý kózderi týraly jan-jaqty aqparat berildi. Sondaı-aq oǵan №1 jylý energetıka ortalyǵy kórsetilip, jergilikti 92 qazandyqtyń keıbiri kúrdeli jóndeýdi qajet etetini týraly aıtyldy.
«О́tken qysta Ekibastuz ben Rıdder qalalarynda jylý kózderi men jylý jelisiniń qanshalyqty tozǵanyna kýá boldyq. Abaı oblysynda osyndaı jaǵdaıdy boldyrmaý úshin qysqy maýsymǵa daıyndyq máselesine erekshe nazar aýdarýymyz kerek», dep atap ótti Aınur Arǵynbekova.
Depýtatqa jylý berý maýsymyna daıyndyq jumystary aıasynda aýqymdy jumys atqarylǵany, atap aıtqanda «Ǵabbasov» qazandyǵy qaıta jańartylǵany jáne jalpy aǵymdaǵy jóndeý jumystary jalǵasyp jatqany týraly aıtyldy.
Depýtat Arǵynbekova óz kezeginde jergilikti bılik bul máseleni baqylaýda ustaýy tıis ekendigi jáne jylý kózderi men jylý jelisiniń jaı-kúıine turaqty tekserý júrgizý qajettigin atap ótti.
«Qalanyń barlyq jylý jelisin normatıvtik kúıge keltirý oblysymyzdyń basym mindetteriniń biri jáne ol birneshe jylǵa eseptelgen aýqymdy jumys. Biz óńirden saılanǵan depýtattar retinde bul máseleni de baqylaýda ustaımyz», dedi senator.
