El basshylyǵynyń bastamasymen ortaq múddeler men ózara túsinistik negizinde qurylǵan álemdik jáne dástúrli dinder lıderleri arasyndaǵy dıalog ózara yntymaqtastyq úshin keń perspektıvalar ashady jáne bizdiń zamanymyzdyń zorlyq-zombylyq, fanatızm, ekstremızm jáne terrorızm sııaqty jaǵymsyz kórinisterin eńserýge yqpal etedi.
Sezdiń maqsaty dinderdiń álemdik jáne dástúrli nysandarynda jalpyadamzattyq baǵdarlardy izdeý, dinder dıalogyn júzege asyrý jáne kelisilgen sheshimderdi qabyldaý úshin turaqty jumys isteıtin Halyqaralyq konfessııaaralyq ınstıtýtyn qurý boldy.
2003 jylǵy 23-24 qyrkúıekte ótken Álemdik jáne dástúrli dinder lıderleriniń I Sezi barysynda forýmǵa qatysýshylar Sezdiń jumys organy – Hatshylyqty qurý týraly sheshim qabyldady. Álemdik jáne dástúrli dinder lıderleri sezi Hatshylyǵynyń Basshysy Qazaqstan Respýblıkasy Parlamenti Senatynyń Tóraǵasy, Sezge qatysatyn álemdik dinder lıderleriniń ókilderi, onyń ishinde Islamnyń, Hrıstıannyń, Iýdaızmniń, Býddızmniń, Daosızmniń, Sıntoızmniń, Indýızmniń, Halyqaralyq uıymdardyń ókilderi – músheleri bolyp tabylady.
Osy jyldyń 11 qazanynda Álemdik jáne dástúrli dinder lıderleriniń birinshi seziniń shaqyrylǵanyna 20 jyl tolýyna oraı sezdiń XXI Hatshylyǵy ótedi. Osy jyldar ishinde Astana konfessııaaralyq forýmy dinaralyq dıalogtyń basty halyqaralyq alańdarynyń biri retinde óziniń durystyǵyn dáleldedi.
Hatshylyqtyń aldaǵy otyrysynda sezdiń jumysyn uıymdastyrý jáne onyń mazmundy bólimderi jónindegi máseleleri talqylanady. «2023-2033 jyldarǵa arnalǵan Álemdik jáne dástúrli dinder lıderleri sezin damytý tujyrymdamasy» atty mańyzdy qujat qabyldanady.
Bul tujyrymdama 2022 jyly ótken Álemdik jáne dástúrli dinder lıderleriniń VII sezi bastamalarynyń biri bolyp tabylady. Sezderdiń erekshe jaýapkershilikpen usynylǵan bastamalary shyn máninde júzege asyrylady jáne álemde tózimdilik, dıalog jáne túsiný qaǵıdattaryn ilgeriletýge qyzmet etedi. О́tetin otyrystyń kún tártibi boıynsha jemisti pikir almasý kútilip otyr.
Osy forýmnyń taǵy bir qyzyqty sáti is-sharanyń eriktileri retinde JOO stýdentteriniń dástúrli qatysýy bolmaq. Belsendi jastar forým jumysyna árdaıym qyzyǵýshylyq tanytyp, qatysqysy keledi, sheteldik delegasııalarǵa kómektesedi, aýdarady. Shyn mánisinde sezdiń ıdeıasy – dıalog pen ózara kómekke baǵyttalǵan.
J.A. Qasymova,
Konfessııaaralyq jáne órkenıetaralyq dıalogty damytý jónindegi N.Nazarbaev Ortalyǵy
Jıyntyq-taldaý departamentiniń dırektory
