Jastarǵa arnalǵan fýtbol alańy

Saltanatty is-sharaǵa oblys ákimi Beıbit Isabaevpen qa­tar Qazaqstan fýtbol fede­rasııasynyń prezıdenti Ádilet Bár­menqulov, fýtboldan ulttyq quramanyń bas bapkeri Magomed Adıev te qatysty.

Keıingi ýaqytta sport sala­syndaǵy bastamalar óńirdegi jas­tardy jigerlendirip jatyr. Jı­nalǵan kópshilikti qýanyshty oqıǵamen quttyqtaǵan oblys ákimi jastardyń sportpen shu­ǵyldanyp, bos ýaqytyn tıim­­di ótkizýine memleket tara­py­nan barynsha jaǵdaı jasalyp otyrǵanyn atap ótti. Má­selen, bıyl 14 sport nysanynyń qu­rylysyna oblys bıýdjetinen 8,1 mlrd teńge bólinip, sonyń altaýy paıdalanýǵa berilgen. Atap aıtqanda, sport keshenderi, kúres zaly, ortalyq stadıon sııaqty mańyzdy nysandar.

«Mesenattar, iri kompanııalar men irgeli uıymdar da osy iske atsalysyp keledi. Batyr­jan Ońǵarov atyndaǵy ortalyq sta­dıonynyń fýtbol alańyna «Qazaqstan fýtbol Federasııasy» assosıasııasynyń demeýshiligimen renovasııa jumystary júrgizildi. Federasııa basshylyǵyna jetisý­lyqtardyń atynan rızashy­ly­ǵymdy bildiremin. Osy alań­nan ta­lantty balalar sportta jarqy­rap shyǵady dep senemin», dedi B.Isabaev.

Odan keıin sóz alǵan Qazaqstan fýtbol federasııasynyń prezı­denti Ádilet Bármenqulov bola­shaq fýtbol juldyzdary osyndaı aýyldyq jerlerden shyǵatynyn, sondyqtan jergilikti jerlerde balalardy fýtbolǵa baýlýdyń mańyzy zor ekenin jetkizdi. Sol sııaqty Qazaqstannyń fýtboldan ulttyq quramasynyń bas bapkeri Magomed Adıev, jobanyń bas demeýshi kompanııasynyń ókili Kırıll Mılıchkın, Tal­dyqorǵan qalasy Qoǵamdyq pa­latasynyń tóraǵasy Vıktor Bý­kov ta kóksýlyqtarǵa izgi tile­gin bild­irdi.

Qonaqtar nysannyń lentasyn qıǵannan keıin alańda «Jetisý» fýtbol komandasy men Kóksý aýda­nynyń fýtbol komandasy ara­synda joldastyq kezdesý ótti. Is-shara sońynda aýyldyń sport­shy balalaryna 100 dop taratyldy.

«Batyrjan Ońǵarov atyndaǵy ortalyq stadıonynyń fýtbol alańy jańarǵan, jańǵyrǵan keıipte paıdalanýǵa berilip jatqany – bárimizdiń ortaq qýa­nyshymyz. Prezıdentimiz Qasym-Jomart Toqaev Jol­daýynda buqaralyq sportty damytý, oǵan meılinshe kóńil bólý týrasynda aldymyzǵa úlken mindet júktegen edi. Sol mindetti minsiz atqarýda bir­shama jumys júrgizilip ke­ledi. Osyndaı qoldaýlardyń nátıjesinde osy aýdannan da kúni erteń esimin álem biletin Ábilseıit Aıhanov, Amanjol Buǵybaev, Máýlen Mamyrov, Nurbaqyt Teńizbaev, Ashat Jit­keev, Aıdyn Smaǵulov, J­ánibek Álimhanuly sııaqty el maqtanyshtary shyǵatynyna senimdimin. О́ńirdegi basqa da sport túrlerine mesenattar men kásipkerler de qoldaý kórsetip jatyr. Mysaly, jyl sońyna deıin «Jetisý» kásipqoı voleıbol klýbynyń sportshylaryna arnalǵan 4 qabatty turǵyn úı ǵımaratynyń, kelesi jyly ústel tennısi ortalyǵynyń qurylysy aıaqtalady. Qaıta jańǵyrǵan ortalyq stadıon kóptiń ıgiligine jarap, jastardy jigerlendirip, sportta bıikterge talpyndyra bersin», dedi Á.Bármenqulov.

Onyń aıtýynsha, Prezı­denttiń buqaralyq sportty damytý týraly tapsyrmasyna sáıkes QFF 2023 jyldyń jazynda «Alañ» fýt­bol alańdaryn jańartý baǵ­dar­lamasyn iske qo­sylǵan edi. Baǵ­darlama 3 jylǵa sozylady jáne ÝEFA qol­da­ýy­men júzege asyrylady. Osy baǵ­darlama aıasynda Balpyq bı aýy­lyndaǵy B.Ońǵarov atyn­daǵy stadıonnyń fýtbol alańy jańǵyrtylǵan.

Negizi is-sharanyń maqsaty – sport­tyq ınfraqurylymnyń sapasyn arttyrý, balalar men jasóspirimder fýtbolyn jáne buqaralyq fýtboldy damytý úshin qolaıly jaǵdaılar jasaý. Buǵan deıin Aqtóbe qala­syn­daǵy №2 BJSM stadıo­nynda alǵashqy jańartylǵan alań paıdalanýǵa berilgen edi. «Alañ» baǵdarlamasy aıasynda el óńirlerinde jalpy sany 20 fýt­bol alańyn osylaısha tegin ja­ńartý josparlanǵan.

О́ńir ákiminiń baspasóz qyz­metiniń málimetinshe, jalpy qury­lys jumystarynyń quny 197,8 mln teńgeni quraǵan. Qury­lys bıyl qyrkúıek aıynan bastap júrgizilgen. Fýtbol alańynyń eski jabyny men tóselgen topy­raǵy túgeldeı alynyp, jańadan jasandy jabyn tóseldi. Bes qa­battan turatyn alańǵa iri tastar, geotekstıl, qıyrshyq tas jáne eń ústińgi qabatyna jasandy jabyn tóselingen.

Buǵan qosa Sarqan qalasyn­daǵy balalar jáne jasóspirimder sport mektebiniń qasyndaǵy orta­lyq stadıonynyń jańa keı­pi de aýyl balalarynyń qýany­shyn eseledi. Oıyn alańy sol mań­da turatyn balalar men jasóspirimder úshin salamatty ómir saltyn ustanatyn orynǵa aı­nalyp úlgergen. Turǵyndardyń boı jazyp, sergýine yqpal etip, bos ýaqyt ótkizetin sport nysanynyń zaman talabyna saı jańartylǵanyna kóp bolǵan joq.

«Sarqan qalasyndaǵy orta­lyq stadıondy qaıta jańǵyrtý ju­mystaryn «Nur Shapaǵat Qury­lys» JShS júrgizdi. 2022 jyly 15 tamyzda jasalǵan №226 kelisimshart boıynsha qu­rylys jumystarynyń quny 659 mln 57 myń teńgeni qurady. Ny­san bıyl qazan aıynda qol­danýǵa berildi. Tapsyrys berý­shi – Jetisý oblystyq qury­lys basqarmasy. Joǵary stan­darttarǵa saı salynǵan fýtbol alańy kórermender men jan­kúıerlerge arnalǵan jabyq trı­býna­larmen qamtamasyz etilgen. Sondaı-aq júgirý jolaǵy men snarıad laqtyratyn alań da qaras­tyrylǵan», deıdi aýdan ákiminiń orynbasary Jomart Myńbaev.

Shynynda, júıeli jattyǵý adamnyń ımmýnıtetin kúsheı­tip, dertterge qarsy turýǵa sep­­tigin tıgizedi. Este saqtaý qa­­bi­letin jaqsartyp, tynysh uı­qy syılaıtyn sport bel­sen­dilik­ti arttyryp, júrek-qan­ta­myr júıesiniń jaqsarýyna aı­­ryqsha kómektesedi. Demek aýyl balalarynyń sportpen aınalysýy ult úshin taǵy bir mańyzǵa ıe.

Jetisý oblysy