Oblysqa ınvestısııa tartý boıynsha serpindi jáne tıimdi baǵyttardyń biri – «Qorǵas Shyǵys qaqpasy» AEA jáne «Qorǵas» HShYO. AEA – ınvestorǵa daıyn ınfraqurylym, salyqtyq, kedendik jeńildikter, sondaı-aq preferensııalar berý arqyly qolaıly ınvestısııalyq ahýal kórsetetin biregeı ınvestısııalyq alań. Ol óz kezeginde jobalardy iske asyrý úshin úlken múmkindikterge jol ashady. AEA aýmaǵynda iske asatyn jobalardyń jalpy sany – 26, al somasy 529,9 mlrd teńgeni quraıdy. Soǵan saı 3200-ge jýyq jumys orny qurylady.
«Qorǵas» HShYO – bul eki memlekettiń shekaralas aýmaqtarynda ornalasqan jergilikti jáne qytaılyq bólikterden turatyn saýda, ekonomıkalyq, ınvestısııalyq yntymaqtastyq keshen. Joba «Bir beldeý – bir jol» jańa ekonomıkalyq strategııasy sheńberinde iske asqan. Onyń aýmaǵynda jalpy somasy 59,6 mlrd teńgege 19 joba júzege asady. Soǵan saı 480-ge jýyq jumys orny qurylady.
Budan bólek, Taldyqorǵan qalasynyń aýmaǵynda ındýstrııalyq aımaq jumys isteıdi. Kásipkerlik orta men memlekettik organdardyń kedergisiz ózara is-qımylyn qurýdyń qosymsha tetigi retinde oblys ákimdigi ınvestısııalyq qyzmet jáne ınvestorlardy qoldaý boıynsha qyzmet kórsetetin aımaqtyq Zhetysu Investt uıymyn qurdy.
Búginde kompanııa memlekettik qoldaý sharalaryn túsindirý boıynsha áleýetti ınvestorlarmen turaqty túrde kezdesýler ótkizedi. Sonyń nátıjesinde óńirge birqatar iri ınvestor tartylǵan. Onyń ishinde Qytaı, Reseı, Germanııa, Izraıl, Saýd Arabııasy elderinen JEK, kólik jáne logıstıka salasyndaǵy óz jobalaryn iske asyrýdy josparlap otyrǵan ınvestorlar bar. Soǵan saı aı saıyn oblystyń ınvestısııalyq portfeline monıtorıng júrgizilip otyrady. Qazir jalpy quny 1851,8 mlrd teńgeni quraıtyn 184 joba tur. Ol 2023-2027 jyldar aralyǵynda iske asady. Solaı bolǵan jaǵdaıda 9 myńǵa jýyq jumys orny ashylmaq. О́tken jyly quny 53,2 mlrd teńgege saı myńǵa jýyq jumys orny quryldy. Soǵan saı 47 joba iske qosyldy. Tutastaı alǵanda, óńirdegi bıznesti damytýǵa barlyq qolaıly jaǵdaılar jasalǵan. Bul oblystyń ınvestısııalyq jáne ekonomıkalyq ahýalyn jaqsartýǵa ákeledi.
Aıta keteıik, osy oraıda «Amanat» partııasy oblystyq fılıalynyń Saıası keńes bıýrosy, oblystyq máslıhatyndaǵy jáne Taldyqorǵan qalalyq máslıhatyndaǵy «Amanat» partııasy fraksııasynyń birlesken otyrysy ótti. Onda Taldyqorǵan qalasynyń ákimi Ernat Bázil oblys ortalyǵynyń áleýmettik-ekonomıkalyq damýy jaıynda baıandady.
«Shaharda byltyr ónerkásip salasynda elevator keramıkalyq plıtalardy shyǵarý zaýyty keńeıtilgen. Nátıjesinde, 110 jańa jumys orny ashylyp, 850,0 mln teńge ınvestısııalar tartylǵan. Aýyl sharýashylyǵy salasynda 12 sharýa qojalyǵy jalpy somasy 385,3 mln teńgege aýyl sharýashylyǵy tehnıkasyn satyp alǵan. Jańa bıznes-bastamalardy iske asyrý úshin 40,0 mln teńgege 8 qaıtarymsyz memlekettik grant berilgen», dedi E.Bázil.
Alaıda jyl basynan tartylǵan 54,1 mlrd teńge ınvestısııa jyldyq jospardyń tek 63 paıyzyn qurap otyr. 2023 jylǵy jospar 86 mlrd teńge, onyń 61,5 mlrd teńgesi nemese 71,5 paıyzy oryndalady dep kútiledi. Sonymen qatar Taldyqorǵan ındýstrııalyq aımaǵyn iri ınvestısııalyq jobalarmen toltyrý máselesi áli kúnge deıin tolyq sheshimin tappaı keledi. Búginde onyń aýmaǵynda jumys istep turǵany – tek 6 kásiporyn bar. О́ńir basshysy qala halqymen kezdeskende osy máselege jiti toqtalyp, jaýapty mamandarǵa tapsyrma bergen edi.
«Oblys ákiminiń orynbasary Áset Qanaǵatovqa, kásipkerlik jáne ındýstrııalyq-ınnovasııalyq damý basqarmasyna qala ákimdigimen birlesip, qalanyń áleýetin eskere otyryp, ınvestısııalardy tartý boıynsha jumysty jandandyrýdy jáne qoldanystaǵy ındýstrııalyq aımaqta josparlanǵan jobalardy ýaqytynda júzege asyrý úshin barlyq qajetti shara qabyldaýdy tapsyramyn», dedi Beıbit Isabaev.
Qazir osy baǵytta júıeli jumystar júrgizilip jatyr.
Jetisý oblysy
