Senatorlar óńirlerdiń áleýmettik-ekonomıkalyq damý barysymen, «Aýyl – el besigi» memlekettik baǵdarlamasy jáne «Jaıly mektep» jobasyn iske asyrý barysymen tanysty. Parlamentshiler sondaı-aq aýdandyq máslıhattardyń depýtattarymen, kásiporyndar men uıymdar ujymdarymen kezdesýler ótkizip, áleýmettik nysandardyń qyzmetine kýá boldy.
Aýdandyq máslıhat depýtattarymen jáne jumys ujymdarymen kezdesýler barysynda mektepter, turǵyn úı-kommýnaldyq sharýashylyq nysandaryn salý, agroónerkásip keshenin damytý sekildi kún tártibinde turǵan máseleler talqylandy.
«Aýylda, ásirese shekara mańyndaǵy óńirlerde ómir súrý jaǵdaılaryn jaqsartý – memlekettik organdar qyzmetindegi mańyzdy baǵyttardyń biri. Bul ekonomıkanyń damýyna jáne azamattarymyz úshin jaıly ómir súrý jaǵdaıyn jasaýǵa yqpal etedi», dep atap ótti depýtat Ǵalıasqar Sarybaev.
Jetisý oblysy
