Foto: M.Kataev atyndaǵy Oqýshylar saraıy
Saıys 4 kezeńnen turdy. Qatysýshylar «Aqqý» klýby arqyly men ne aldym?» taqyrybyndaǵy prezentasııa qorǵady. «Sheshe kórgen ton pisher» baıqaýynda urshyq ıirip, jún tútti, «Aqylyna kórki saı» - bilgirler saıysynda óz bilimderin ortaǵa saldy, «Taqııa tigemiz!» baıqaýynda taqııa pishti.
Baıqaýdyń maqsaty - qazaq qyzynyń boıyndaǵy ulttyq dástúrimizge saı ádeptilik, kóriktilik, eptilik, ınabattylyq jáne basqa da jan-jaqty ulttyq qasıetterin tanyta bilý, ulttyq qolónerimizdi dáripteý.
Saıystyń qurmetti qonaǵy - «Káýsar bulaq» ájeler mektebiniń tóraıymy jáne ardaqty áje Ǵalııa Sunǵatova ónerli qyzdarǵa sáttilik tiledi.
Aıta ketsek, aımaq boıynsha 2021 jyly «Aqqý» oblystyq jobasy iske qosylyp qyz balalarǵa arnalǵan klýbtar ashyldy. Bul joba jasóspirim qyzdardyń áleýmettik-quqyqtyq jáne psıhologııalyq quzyrettiligin damytýǵa jaǵdaı jasaý, psıhologııalyq kúızelisti jeńýge, ulttyq biregeılikti saqtaý maqsatynda salt-dástúr men ádet-ǵuryptardy zerdeleý arqyly rýhanı qundylyqtardy qalyptastyrýǵa yqpal etýge baǵyttalǵan. Qazirgi tańda oblys boıynsha 251 «Aqqý» qyzdar klýbtary jumys isteıdi, onyń ishinde 3643 qyz balalar tárbıelenedi. Erekshe tizimde turǵan qyz balalar sany - 32.
Baıqaý qortyndysy boıynsha bas júlde Aıgerim Hasanovaǵa buıyrdy. Jetekshisi - Baýyrjan Momyshuly atyndaǵy JOBBM, Nazıra Seıtova.
1 oryn - Madına Beket, Ekibastuz qalasy, Baıet jalpy orta bilim berý mektebi, jetekshisi - Erken Alpemash.
2 oryn - Alına Jumabekqyzy, Sharbaqty aýdany, Abaı atyndaǵy JOBBM, jetekshisi - A. Smaılova.
2 oryn - Aqerke Tortaı, Maı aýdany, Amankeldi Imanov atyndaǵy JOM, jetekshisi - Bıbigúl Kabdýllına.
3 oryn - Aıarý Oljabaeva, Jelezın aýdany, Mirjaqyp Dýlatuly atyndaǵy №3 JOM, jetekshisi - Ámına Qusaıynova.
3 oryn - Aqsana Sábıtqyzy, Terenkól aýdany, Qatsha Ospanova atyndaǵy №3 JOBBM, jetekshisi - N. Shýgaıpova.
3 oryn - Marjan Ýmarova, Aqtoǵaı aýdany, Abaı atyndaǵy JOBBM, jetekshisi - Marjan Seıl.
«Saıystyń ereksheligi - qatysýshylardyń taqııa tigý ónerin kórsetý, urshyq ıirip, jún tútý jáne «Aqqý» qyzdar klýbynyń músheliriniń óz jergilikti klýbtaryn tanystyrý», dedi oblystyq «Aqqý» jobasynyń úılestirýshisi Maııa Temirbolatova.
