Polsha bıznesiniń Jetisýdaǵy qadamy

Tikeleı sheteldik ınvestısııa az tartylǵan óńirlerdiń qa­ta­rynda Jetisý oblysy da bar. Jańadan qurylǵan óńir­diń bul baǵytta baıaý ilge­ri­lep keledi. Resmı qonaq­tarǵa jyly qurmetin bildirgen oblys ákimi Jetisýda 5 stra­te­gııa­lyq baǵyt boıynsha óńirdiń ın­vestısııalyq tar­tym­dy­ly­ǵyn arttyrý jumystary júrip jatqanyn atap ótti.

«Logıstıkalyq jáne tran­zıttik turǵyda Jetisý óńi­ri geostrategııalyq jaǵy­nan da, geoekonomıkalyq jaǵy­nan da tıimdi ornalasqan. Sony­men qatar aımaqtyń tabıǵı-klımattyq jaǵdaıy qolaı­ly, topyraǵy qunarly, sýy bar, munyń bári aýyl sharýashylyǵynyń belsendi damýyna oń yqpal etedi. Ja­ny­myzda eki úlken naryq – Re­seı men Qytaı ornalasqan. Onyń ústine, bizdiń aýmaq ar­qyly Batys Eýropa – Batys Qytaı avtomagıstrali ótedi, «Qorǵas» halyqaralyq sheka­ralyq yntymaqtastyq orta­ly­ǵy, sondaı-aq «Qorǵas – Shyǵys qaqpasy» erkin ekono­mıkalyq aımaǵy tabys­ty ju­m­ys istep jatyr, munda Qy­taımen shekaradaǵy temirjol jáne avtomobıl ótkel­derin aıtpaǵannyń ózin­de ınves­tı­sııalyq jobalardy júzege asyrýǵa qajetti bar­lyq ınfra­qurylym bar. Arnaıy ekono­mı­ka­lyq aı­maqqa et kombınatyn orna­lastyrýǵa bolady, bul jer eksportqa baǵyttalǵan ónim­der­di ótkizýge yńǵaıly», dedi B.Isabaev.

О́z kezeginde «Mossıb­ro­dydaǵy et kombınaty» otba­sylyq kásipornynyń pre­zı­den­ti, Polsha Respýblıkasy Par­lamentiniń depýtaty Kshısh­tof Borkovskıı jyly qa­byldaý úshin alǵys aıta otyryp, kúrketaýyq pen taýyq etin óńdeıtin eksportqa ba­ǵyt­talǵan zaýyt salý nıetin jet­kiz­di. Sol sııaqty qus basyn ósirý úshin fabrıka salatyn da oılary bar.

«Sapaly ári paıdaly ónim shyǵarý úshin kásiporynǵa ozyq tehnologııalardy engi­ze­miz. Sol jabdyqtarda taýyq pen kúrketaýyqtan basqa sıyr etin de óńdeýge bolady. О́ni­mi­mizdi jergilikti naryqqa, so­nymen qatar Qytaı men Reseıge satqymyz keledi. Biz sondaı-aq jasandy sý qoıma­la­rynda tuqy balyǵyn ósirýge mamandanǵanbyz, men óz elim­de osy salalarda jumys is­teı­min, budan bólek meniń eki et kombınatym jumys istep tur», dedi polıak ınves­tory. Oǵan qosa ol jergilikti fer­mer­lerdi kúrketaýyq ósirý ádis­terine úıretýge daıyn eke­nin jetkizdi.

О́ńir ákiminiń baspasóz qyz­metiniń málimetinshe, aýyl shar­ýashylyǵy salasyna, so­nyń ishinde et pen sút óńdeýge ınvestor tartý óńirdegi basym baǵyttyń biri. Bul joba­lar­dyń qyzyǵýshylyq týdyratynyn basa aıtqan aımaq basshysy mal azyǵy qoryn qurý máselesin jergilikti sharýa­lar­dyń kómegimen sheshýdi usyndy, olarmen kásipker tıisti kelisimsharttar jasaı alady.

«Mundaı jobalar bizdiń ob­lysqa kerek. Elimizdiń zań­dary aıasynda Sizderge qa­­jetti qoldaý kórsetýge, ashyq yn­tymaqtastyqqa daıyn­byz. Ázirge kásiporyndy or­na­las­ty­rýǵa qatysty qolda bar múm­­­k­indikterimiz ben usy­nys­ta­­­rymyzdy egjeı-teg­jeı­ zerdelep, sondaı-aq siz usynyp otyrǵan jobalardy júzege asyrý joldaryn birlesip jan-jaq­ty pysyqtaýymyz qajet», dep túıindedi sózin B.Isabaev.

Kezdesý sońynda taraptar ekijaqty yntymaqtastyqty damytý týraly sheshim qabyl­dap, ınvestorlardyń jaqyn aradaǵy aımaqqa sapary jó­nin­de ýaǵdalasty.

Jetisý oblysy