El Prezıdenti Qasym-Jomart Toqaev «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýynda «Halyq únine qulaq asatyn memleket» tujyrymdamasyn bekitken edi. Iаkı, memlekettik qyzmetker halyqtyń tilek-aryzyn jerge tastamaı, máselesin sheshýge umtylýy shart. Soǵan oraı qala basshysy qyzmettik kóliginsiz, jalǵyz ózi el ishin qoǵamdyq kólikpen aralap, turǵyndarmen tildesti.
Qala ákimin birden tanyǵan jurtshylyq onyń bul bastamasyn qoldap, halyqpen birge qoǵamdyq kólikpen júrip qala ishin aralap júrgen eń alǵashqy ákim ekendigin aıtty.
Ádettegideı emes qala ákimi Ernat Dúısenbekuly turǵyndardyń jeke máselelerin kabınette emes turǵyndarǵa toly avtobýsta tyńdap, keı máseleni jeke baqylaýyna alatyndyǵyn jetkizdi.
«Keıingi ýaqytta qoǵamdyq kólikte bolatyn keleńsiz jaıttar jıilep ketkendigin áleýmettik jeliden baıqap otyrmyn. Osyǵan oraı, búgin arnaıy shyǵyp osy máselege qatysty halyqtyń pikirin tyńdap, turaqty túrde qalany qoǵamdyq kólikpen aralamaqpyn. Jaı ǵana avtobýsta júrip qana qoımaı jurtshylyqtyń máselesine tereńinen úńilýge múmkindik beredi eken», dedi E.Bázil.
Sonymen qatar qala basshysy kommýnaldyq bazarmen ortalyqta jaıǵasqan saýda nysandaryn da aralady. Aldaǵy ýaqytta bul úrdis ádetke aınalmaq. Turǵyndarmen tyǵyz qarym-qatynas ornatý úshin, qalanyń ishki máselesimen jiti tanysý úshin ózge de avtobýstarmen oblys ortalyǵyn aralaıdy.
