Foto: Vıdeoskrın
«Respýblıkalyq avtojoldarǵa sý tasqyny qaýpi tóngen 396 ýchaske, 68 kópir jáne 650 sý ótkizý qubyry anyqtaldy. Qaýipti jol boılarynda táýlik boıy kezekshilik jáne kúndelikti patrýldeý uıymdastyryldy. Sý tasqyny bastalǵaly jedel sharalar qabyldanyp, barlyq óńirde ınertti jáne basqa da materıaldar daıyndaldy. Qazirgi ýaqytta 100 myń tekshe metr qum, 40 myń tekshe metr tas, 325 myń tekshe metr qıyrshyq tas, 75 myń tekshe metr qum-qıyrshyq tas qospasy jáne 150 myń dana qum salynǵan qap daıyndaldy», dedi Ǵalymjan О́tenbaev.
Aıtýynsha, erigen sýlardy ótkizý jáne avtojoldar boıyndaǵy sý ótkizý qubyrlary 100%-ǵa tazartylǵan.
Spıkerdiń sózinshe, búgin, ıaǵnı 7 sáýirde 5 oblys aýmaǵyndaǵy respýblıkalyq mańyzy bar avtojoldarda, atap aıtqanda Atyraý, Soltústik Qazaqstan, Aqmola, Pavlodar, Qostanaı oblystarynda jalpy uzyndyǵy 3430 metr bolatyn jolda 9 sý basý faktisi tirkeldi.