Úkimet • 11 Mamyr, 2024

Tasqynnan keıin 20 myńnan astam otbasy memlekettik qoldaýǵa ıe boldy

200 ret

kórsetildi

1 mın

oqý úshin

Memleket basshysynyń tapsyrmasy boıynsha Úkimet sý tasqynynan zardap shekken azamattarǵa keltirilgen zalaldy óteý jumystaryn jalǵastyryp jatyr, dep habarlaıdy Egemen.kz.

Shyńǵys MUQAEV

Tasqynnan keıin 20 myńnan astam otbasy memlekettik qoldaýǵa ıe boldy

Foto: Úkimet

Úkimettiń baspasóz qyzmeti jarııalaǵandaı, 20 601 otbasy 7,4 mlrd teńgeden astam somaǵa 100 AEK mólsherinde birjolǵy tólem alǵan. Mal shyǵyny úshin berilgen memlekettik kómek kólemi 1,1 mlrd teńgeden asty.

130 otbasy eski turǵyn úıleriniń ornyna jańa baspanaǵa ıe boldy. Bul rette Aqtóbe, Qostanaı, Soltústik Qazaqstan, Pavlodar oblystarynda zardap shekkenderge beriletin 239 jańa úı salynyp jatyr. Sonymen qatar 568 otbasy 710 mln teńgeden astam somaǵa turǵyn úıdi jóndeýge jáne qalpyna keltirýge ótemaqy aldy. Jalpy alǵanda zardap shekken óńirlerde 9995 turǵyn úı tekserilip, 7522 nysanda baǵalaý jumystary júrgizildi.

Úkimet Zalaldy óteý jumystary jalǵasyp jatyr jáne Úkimettiń qatań baqylaýyna alynǵan. Prezıdent tapsyrmasy boıynsha barlyq zardap shekken azamatqa jan-jaqty kómek pen qoldaý kórsetiledi.