Foto: Vıdeodan alynǵan kadr
Oqıǵa ótken jyldyń sáýir aıynda Ordabasy aýdany Tórtkúl aýylynda bolǵan. 9-synyp oqýshysyn óz mektebiniń 11-synyp oqýshysy men 19 jastaǵy aýyl turǵyny bopsalaǵan. Kúdiktiler mektep oqýshysynan ıntımdik sýreti jelige shyqpaýy úshin 1 mıllıon teńge talap etken.
Keıinirek oqýshynyń máıiti aryqtan tabyldy. Ol eki jerinen pyshaq jaraqatyn alǵan eken.
Jasóspirim qyzdy óltirdi degen kúdikke eki er bala ilindi. Apellıasııalyq sot úkimi alqabıler qatysýymen shyqty. Buǵan deıin Beıbarys 16 jylǵa sottalsa, Tasqyn bas bostandyǵynan shekteý jazasymen qutylǵan edi. Qos tarap ta sotty qaıta qaraýdy surap, apellıasııalyq sot tórt aıǵa sozyldy.
Túrkistan oblysynyń qylmystyq ister jónindegi mamandandyrylǵan aýdanaralyq sotynda qylmys jasady dep aıyptalǵan kúdiktilerge qatysty qylmystyq is qaraldy. Alqabıler sotynyń negizgi aıyptalýshyǵa shyǵarǵan úkimi ózgerissiz qaldy. QR Qylmystyq kodeksiniń 132-babynyń 4-bóligimen, 194-babynyń 2-bóliginiń 2-tarmaǵymen, 99-babynyń 2-bóliginiń 10, 14-tarmaqtarymen kináli dep tanylyp, oǵan 16 jylǵa bas bostandyǵynan aıyrý jazasy taǵaıyndaldy. Ol jazasyn qylmystyq atqarý júıesiniń qaýipsizdigi ortasha mekemesinde óteıtin bolady.
Ekinshi sottalýshy QR Qylmystyq kodeksiniń 434-babymen kináli dep tanylyp, oǵan 3 jyl merzimge bas bostandyǵynan aıyrý jazasy taǵaıyndaldy. Sondaı-aq ol jazasyn qylmystyq-atqarý júıesiniń qaýipsizdigi ortasha mekemesinde óteıtin bolady.
Úkim zańdy kúshine engen joq.
Qyrmyzy JUMAǴALIQYZY,
EUÝ stýdenti
