Foto: diapazon.kz
Máselen, Qosshaǵyl aýyldyq okrýginde ornalasqan «Qaraǵaı» sharýa qojalyǵynyń basshysy Aıtýar Myrzaǵalıevtiń aıtýynsha, sý tasqyny kezinde onyń eki jylqysy sýǵa batyp ketken. Ol shyǵyndy óteý ótinishin jergilikti kásipkerlik jáne aýyl sharýashylyǵy bólimine jetkizgen.
«Bizge baǵalaý komıssııasy kelip, barlyq qujattardy zerdeledi. Biraz ýaqyttan keıin zalaldy baǵalaý nátıjelerin habarlady. Biz kelisim berdik. Odan soń, shotymyzǵa ótemaqy aýdaryldy», dedi Aıtýar Myrzaǵalıev.
Al «Erkinqalıeva» JK sharýa qojalyǵynda sý tasqyny kezinde eki sıyr men tórt qoshqar sýǵa batyp ketken. Zalaldyń jalpy somasy 1,2 mln teńgeni qurady.
«Kásipkerlik jáne aýyl sharýashylyǵy bólimine júgingennen keıin, sý tasqyny kezinde joǵalǵan malym úshin zalal kólemi tolyǵymen óteldi», dedi sharýa qojalyǵynyń basshysy Aıda Erkinqalıeva.
О́tinishterdi qabyldaý jalǵasyp jatyr. 15 jumys kúni ishinde arnaıy komıssııa barlyq qujattardy qaraıdy, ótemaqy malynan aırylǵan azamattyń jeke shotyna aýdarylady.
«Buǵan deıin qabyldanǵan ótinishter boıynsha jalpy quny 123, 8 mln teńge zalal tolyǵymen óteldi», dedi Jylyoı aýdanynyń kásipkerlik jáne aýyl sharýashylyǵy bóliminiń basshysy Nurtas Qýatbaev.
