Foto: Telegram/modgovkz
Resmı habarlama Qorǵanys mınıstrliginiń Telegram-arnasynda jarııalandy.
«2024 jylǵy 3-4 shildede Shanhaı yntymaqtastyq uıymy sammıtin ótkizý kezinde Astana qalasynda elordanyń áýe keńistigin kúzetý kúsheıtiledi. Osyǵan baılanysty 28 maýsym men 1 shilde aralyǵynda Qarýly kúshter avıasııasynyń ushý qaýipsizdigi erejelerine sáıkes jattyǵý ushýlary ótkiziledi. Astana turǵyndary men qonaqtarynan ótkiziletin is-sharalarǵa túsinistikpen qaraýdy suraımyz», delingen habarlamada.
2024 jyldyń 27 maýsymynda Shanhaı Yntymaqtastyq Uıymy (ShYU) sammıtine daıyndyq jumystaryna baılanysty Astana mańynda jol tosqaýyldary qoıylǵany belgili boldy.
Sonymen qatar Ishki ister mınıstrligi atap ótkendeı, azamattardyń júrip-turýyna eshqandaı shekteýler joq jáne qalany eshkim jappaǵan. Biraq keıinirek QR Memlekettik kúzet qyzmeti elorda turǵyndary men qonaqtaryna 28 maýsymda qaladaǵy joldar jabylatynyn eskertti.
