Foto: primeminister.kz
Oǵan Ǵylym jáne joǵary bilim mınıstri Saıasat Nurbek, Sý resýrstary jáne ırrıgasııa, Ulttyq ekonomıka, Ádilet vıse-mınıstrleri, sondaı-aq Básekelestikti qorǵaý jáne damytý agenttigi men Jambyl oblysy ákimdiginiń basshylyǵy qatysty.
Jańa ýnıversıtettiń tıisti materıaldyq-tehnıkalyq bazasyn qurý, qarjylandyrý jáne kadrlarmen qamtamasyz etý týraly esepti tyńdaǵan vıse-premer Qanat Bozymbaev elimizdiń bazalyq joǵary oqý oryndarynyń birin qalpyna keltirýdi Memleket basshysy tapsyrǵanyn eske saldy. Ýnıversıtetke Ulttyq mártebe berilmek, ol tek sý resýrstary máselelerine mamandandyrylady. Oqytýshylar quramyna sheteldik ǵalymdar da enedi. Eýropa, Qytaı, Reseı, AQSh ýnıversıtetterimen jańa JOO-men seriktestik týraly kelissózder júrgizilip jatyr. Talapkerlerdi tartý úshin bilim berý granttary kózdeledi.
Vıse-premer qajetti vedomstvoaralyq rásimderdi jedeldetýdi tapsyrdy, ýnıversıtet qyrkúıek aıynda ashylýy tıis.
