Mádenıet jáne aqparat mınıstrligi
Mádenıet jáne aqparat mınıstrliginiń málimetinshe, 10 qazannan bastap Qajymuqan týyndysy elimizdiń barlyq kınoteatrynda kórsetilimin bastaıdy.
«Rejısser Qanaǵat Mustafın tarıhı fılm ssenarııine 2012 jyly kirisip, taqyrypty 10 jyldan astam ýaqyt boıy zerttegen. Túsirilimi 2020 jyly bastalǵan kınotýyndy aldaǵy aıda kórermen nazaryna usynylady», dep qosty vedomstvo.
Týyndy Mádenıet jáne aqparat mınıstrliginiń, Ulttyq kınony qoldaý memlekettik ortalyǵynyń qoldaýymen túsirilgen.
Qajymuqan Muńaıtpasov – fransýz kúresinen álem chempıony atanǵan tuńǵysh qazaq, álemdik, óńirlik, reseılik, keıin Búkilodaqtyq sýper aýyr salmaqtaǵy klassıkalyq kúres chempıonattarynyń birneshe dúrkin jeńimpazy.
Rejısserdiń aıtýynsha, Qajymuqan óziniń myqtylyǵyn óz zamanynyń eń jaqsy balýandaryn jeńip dáleldegen. Ol – Parıjde, Londonda, Berlınde, Stambýlda, Býenos-Aıres pen Chıkagoda qoshemetke bólengen alǵashqy qazaq sportshysy. Fılmniń maqsaty – Qajymuqannyń ómirimen óskeleń urpaqty tanystyrý, onyń jetistikterin ulyqtaý ári úlgi alý.
