Ekologııalyq bilimniń bereri mol

Tabıǵatty aıalaý, qorshaǵan ortany qorǵaý, eko­lo­gııalyq qaýipsizdikke baǵdarlanǵan, balalarǵa arnal­ǵan ǵy­lymı, tájirıbelik bilim júıesi ázirlenbek. 2029 jylǵa deıin «Jasyl balabaqsha» baǵytyna sáıkes 622 mektepke de­ıingi uıym qurý, oqýshylar arasynda synyp saǵattaryn, eko­logııalyq jobalar baıqaýlaryn ótkizý josparlanyp otyr.

«Qazirgi jetistikterdi eskere otyryp, oqytý­shylar­dyń biliktiligi arttyrylady, bilim baǵdar­lamalary ja­ńartylady, ekologııalyq qaýipsizdikke jaýapty bas­shy­lar­dy, mamandardy kásibı qaıta daıarlaý kýrstary uıym­dastyrylady. Ekologııa salasyndaǵy bilim baǵdar­lamalary kásibı standarttarǵa sáıkes jańartylady, bul ekologııalyq mindetterdi tıimdi sheshýge qabiletti mamandardy daıarlaýǵa múmkindik beredi», dedi mınıstrlik ókili.

Spıkerdiń aıtýynsha, ýnıversıtetter aýmaǵynda kókónis, jemis-jıdek ósiretin «Community Gardens» qo­ǵamdyq baqtary ashylady. Baq stýdentterge ekologııa, organıkalyq eginshilik, aýyl sharýashylyǵy negizderin tájirıbelik oqytý alańyna aınalady, sondaı-aq olardyń ujymdyq eńbek, qorshaǵan ortaǵa degen jaýapkershilik daǵdylaryn qalyptastyrýǵa yqpal etedi.

Joǵary oqý oryndarynda qoǵamdyq kólikti, velo­sıpedterdi paıdalanýdy, jaıaý serýendeýdi yntalandyrý maqsatynda «Green Transportation Initiatives» bastamasyn engizý josparlanǵan. Osy bastamalar aıasynda jol júrý qunyna jeńildikter beriledi, ekologııalyq taza kólikterge arnalyp, velosıped joldary, avtoturaqtar salynady. Bul is-sharalar ýnıversıtet stýdentteri men qyzmetkerleriniń kómirtegi izin azaıtýǵa, sondaı-aq ekologııalyq qaýipsiz qozǵalys tásilderin nasıhattaýǵa qatysty jumystardy júıeli júrgizýine múmkindik beredi.

Memlekettik qyzmetshilerdiń de ekologııa sala­syndaǵy bilimin tereńdetýge, quzyretterin damytýǵa baǵyttalǵan biliktilikti arttyrý kýrstaryn engizý kózdelgen. Bir sózben, bastama ekologııalyq bilim berý máselelerin jan-jaqty qarastyrýǵa, halyqtyń túrli sanattary arasynda ekologııalyq aqparat alý men jaýapkershilik deńgeıin arttyrýǵa, sondaı-aq zaman talabyna saı ekologııalyq syn-qaterlerge tótep berýge qabiletti mamandardy daıarlaýǵa jol ashady.