Kollajdy jasaǵan – Záýresh SMAǴUL ,«EQ»
«Mundaı ósim keıingi 5 jylda birinshi ret boldy. Byltyr shamamen 1,3 trln teńgeni quraıtyn 180 joba iske qosylyp, 14,4 myńǵa jýyq turaqty jumys orny ashyldy. Jyl qorytyndysynda qurylysta oń nátıjege qol jetti. Keıingi 10 jylda turǵyn úı qurylysynyń rekordtyq kólemi baıqaldy. Jospar boıynsha 18 mln sharshy metr bolǵanymen, 18,9 mln sharshy metr jańa turǵyn úı salyndy», dedi mınıstr.
Vıse-mınıstr Oljas Saparbekovtiń aıtýynsha, tústi metall óńdeý sektory jyl saıyn ósýdiń oń dınamıkasyn kórsetip jatyr. О́tken jyly otandyq óndirýshiler mys óńdeýdi 16,5%-ǵa, alıýmınııdi 9,6%-ǵa, myryshty 33%-ǵa, qorǵasyndy 4,6%-ǵa kóbeıtti. Vıse-mınıstr byltyr mashına jasaý óndirisiniń kólemi 9,7%-ǵa artqanyn alǵa tartty. Bıyl 5%-dyq ósim kútiledi.
Vıse-mınıstr Qýandyq Qajkenovtiń sózinshe, mınıstrlik qurylys salýshylarǵa qoıylatyn talapty azaıtyp, jaǵdaıdy jaqsartýǵa, úlestik qatysýdyń tartymdylyǵyn arttyrýǵa jáne qurylys naryǵynda teń jaǵdaıdy qamtamasyz etýge baǵyttalǵan sharalar ázirlengen. Bul tásil Májiliste qaralyp jatqan Turǵyn úı qurylysyna úlestik qatysýdy jaqsartý týraly zań jobasynda qarastyrylǵan.
Mınıstr orynbasary Iran Sharhan ótken jyly 23 qatty paıdaly qazba ken orny alǵash ret memleketke tirkelgenin aıtty.
«Jer qoınaýyn memlekettik geologııalyq zertteýdiń óńirlik jumysynyń nátıjesinde qatty paıdaly qazbalar boıynsha perspektıvaly 38 telim anyqtaldy. Olardyń arasynda sırek kezdesetin metaldar, berıllıı, qońyr kómir, altyn, sırkonıı, nıobıı, volfram bar», dedi I.Sharhan.
Vıse-mınıstr Jannat Dúbirova mınıstrliktiń salalaryn sıfrlandyrý jobalary týraly áńgimeledi. Onyń qatarynda 2025 jylǵy 1 qańtarda iske qosylǵan Jer qoınaýyn paıdalanýdyń biryńǵaı platformasy men barlaýǵa nemese óndirýge ótinim berýden bastap onyń aýksıonyna jáne lısenzııany berýge deıin sıfrlyq formatta úzdiksiz úderisti júzege asyrý jóninde baıandady. Búginde Jer qoınaýyn paıdalanýdyń biryńǵaı platformasy arqyly geologııa jáne jer qoınaýyn paıdalaný salasyndaǵy 22 memlekettik qyzmet elektrondy túrde qoljetimdi eken.
«Eger buryn jer qoınaýyn paıdalanýshy ákimdikterge, mınıstrlikke baryp, deldal izdep, kelissóz júrgizýi kerek bolsa, endi barlyǵyn qaǵazbastylyqsyz onlaın rejimde alýǵa bolady», dedi vıse-mınıstr.
Sonymen qatar jasandy ıntellektini engizý jumystary qolǵa alynǵan. Ol geologııalyq aqparatty tanyp qana qoımaı, ártúrli sıpattamany taldap, Big Data negizinde eldegi ken oryndary men paıdaly qazbalardyń boljamdy úlgilerin jasaıdy.
