Bul joba oqýshylardyń sıfrlyq saýattylyǵyn arttyryp, áleýmettik beıimdelýin qamtamasyz etýge, ulttyq qundylyqtardy dáripteý men qaýipsiz bilim berý ortasyn qalyptastyrýǵa baǵyttalǵan.
Zamanaýı tehnologııalar bilim berý úderisin ońtaılandyrýmen qatar, tárbıe salasyna da tyń serpin berip otyr. «Birtutas tárbıe» platformasy osy baǵytta jasalǵan alǵashqy jobalardyń biri. Onyń kómegimen mektep pen ata-ana arasyndaǵy baılanys nyǵaıyp, oqýshylardyń ulttyq qundylyqtarǵa degen qyzyǵýshylyǵy artpaqshy.
Platforma quramyna engen «Qamqor», «Smart bala», «Shabyt», «Eńbegi adal jas órken», «Balalar kitaphanasy» jobalarymen qatar ata-analardy pedagogıkalyq qoldaýǵa arnalǵan bólimder de kiristirilgen. Sıfrlyq platforma kómegimen oqýshylar men muǵalimder, ata-analar mekteptegi kúndelikti is-sharalardy baqylap, fotogalereıalar, ádistemelik usynymdar, monıtorıng jáne statıstıkalyq derekter arqyly tárbıe jumysynyń tıimdiligin baqylaıdy. Talǵat Áben osy jobany mobıldi qosymsha retinde qoldanysqa engizýge kirisip ketti.
