Jarqyn dostyqtyń jemisi

Iran Islam revolıý­sııa­synyń 46 jyl­dyǵy aıasynda uıym­dastyrylǵan sharaǵa Qytaı, Túrkııa, Majarstan, Úndistan, О́zbekstan, Qyrǵyzstan, Túrik­menstan, Aýǵanstan, Tájikstan elderiniń Bas konsýldary, jetek­shi oqý oryndarynyń ǵalymda­ry, BUU ókilderi men zııaly qaýym qa­tysty. Kesh shymyldyǵy dos­tyq ári kórshilik tyǵyz qarym-qatynas ornatqan qos eldiń ánuranymen ashylyp, Almaty­daǵy Iran Bas konsýldyǵy basshy­sy­nyń mindetin atqarýshy Bahman Aǵarazı san saladaǵy serpindi baılanys Qazaqstan men Iran dostyǵyn odan ári nyǵaıta beretinin jetkizdi.

«Eki el arasyndaǵy ortaq má­denı muralar berik qarym-qatynastyń óristeýine jol ashyp keledi.  Halyqaralyq qaýym­dastyqpen, ásirese Ortalyq Azııadaǵy kórshiles eldermen tıimdi yntymaqtastyq ornatý biz úshin mańyzdy. Keıingi jyldary mádenı baılanys­tar ǵana emes, ekonomıkalyq saýda qatynastary da edáýir ulǵaı­ǵanyna kýá bolyp otyrmyz. Ekijaqty taýar aınalymy statıstıkasyna sáıkes, Iran men Qazaqstan arasyndaǵy saýda kólemi byltyr 342 mln dollarǵa jetti. Bul úrdistiń mańyzdy bó­ligi eki el úkimetteriniń áriptestik baılanysynyń, ótkizilgen túr­li kórmelerdiń, resmı is-sapar­lardyń arqasynda júzege asty. Sońǵy birneshe jylda Qazaq­stannan Iranǵa ozyq mamandardan quralǵan delegasııalar baryp, eki el kásipkerleriniń qaty­na­syn nyǵaıtty. Taraptardyń ózara tabysýynyń arqasynda kóp­tegen ırandyq kompanııa­ qa­zaqstandyq naryqqa shy­ǵý­ǵa qyzyǵýshylyq tanytty. Ǵy­lym, óner, mádenıet salasyn­da Al­maty men Irannyń rýhanı ortalyqtary jaqsy ynty­maqtastyq ornatyp jatyr. Jýyr­da Ulttyq kitaphanada «Iran qazaqtary» dep atalǵan eńbek­tiń tusaýy kesildi. Jasandy ıntel­lekt, sandyq tehnologııa, nano­medısına, bıotehnologııa, aero­ǵarysh óndirisindegi jetis­tik­terimiz de qatar ilgerilep keledi. Bul jumystar toqtaýsyz jalǵasa beretinine senimdimin», dedi Bahman Aǵarazı.

Eki el dostyǵynyń jetis­tik­teri jan-jaqty saralanǵan bas­qosýda Abaı men Fırdoýsı óleńderi oqylyp, Irannyń dástúrli buıymdary, ulttyq taǵamdary, toqyma, sýret óneri­niń tarıhyna qatysty tyń derekter aıtyldy. Stýdentter parsy shaıyrlarynyń án-jyrynan shashý shashyp, ónerlerin or­taǵa saldy. Almatydaǵy Iran mádenıet ortalyǵynyń qol­daýy­men «Otbasy hrestomatııasy» baspasy arqyly parsy tilinen qazaq tiline  aýdarylyp jaryq kórgen kitaptardyń tusaýy kesildi. Olardyń qatarynda «Naý­­ryznama», «Ǵazaldar», «Bala Májıttiń hıkaıalary», «Qus­tar májilisi», «Bir bettik kitap», «Iran qazaqtary», «Pil týra­ly talas», «Láıli Májnún», t.s.s týyn­dylar bar. Mamandar Máde­nıet jáne aqparat mınıstr­ligi­niń qoldaýymen aýdarma isi­niń aýqymy keńeıgenin aıtady. Bu­ǵan Tegeranda ótken halyqaralyq kitap kórmesindegi rýhanı baılanys serpin bergen.

«Iran – bizdiń Kaspıı óńirin­degi tatý kórshimiz ári ıslam ále­mindegi jarqyn seriktesimiz. Eki el baılanysynyń tamyry tereńde jatyr. Oǵan bizdiń halyqtardyń ortaq tarıhy men mádenıeti kýá. 2022 jyly 19 maýsymda Prezıdent Qasym-Jomart Toqaevtyń Tegeran­ǵa jasaǵan resmı sapary eki el arasynda eleý­li tabysqa jol ashty. Osy jyldyń qańta­rynda Iran­nyń birinshi vıse-prezı­­denti Mohammad-Reza Aref Almaty qalasynda ótken  Eýrazııa­lyq úkimetaralyq keńesiniń otyrysyna qatysty. 18-19 aqpanda Te­ge­randa ótetin Kaspıı mańy elderiniń ekonomıkalyq forýmyna Qazaqstan úkimetiniń basshysy qatysady dep jos­parla­nyp otyr. Bul sapar kópjaq­ty yq­paldastyqqa tyń serpin berip, saýda-ekonomıkalyq qaty­nas­tardy odan ári tereńdetýge jańa múmkindikter ashady», deıdi Syrtqy ister mınıstrliginiń ókili Jánibek Ábdirashev. Shara sońynda qonaqtar Iran­nyń ǵylymı jáne týrıstik áleýetinen syr shertetin kór­meni tamashalap, estelik sýretke tústi. Sondaı-aq Syrtqy ister mınıstrligi­niń ókili Jáni­bek Ábdirashevqa, Iran Bas kon­sýldyǵy basshysy­nyń mindetin atqarýshy Bahman Aǵarazıge, aýdar­mashy Gaýhar Omarhanovaǵa Iran mádenıet ortalyǵynyń Alǵyshattary tabystaldy.

ALMATY