Polısııa qyzmetkerleri men Ekonomıkalyq tergeý departamentiniń ókilderi aýdandyq prokýratýranyń úılestirýimen Qarabalyqta zańsyz alkogol óndirisin anyqtaý boıynsha birlesken is-shara júrgizdi.
«Quqyq qorǵaý organdarynyń nazary oblysqa shyny ydystardyń úlken partııasyn ákelgen júk tasymaldaý qyzmetin kórsetetin kásipkerge aýdaryldy. Júrgizilgen jedel is-sharalar nátıjesinde oblys ortalyǵyndaǵy yqshamaýdandardyń biriniń aýmaǵynda kontrafaktilik ónimderi bar seh anyqtaldy. Tintý kezinde alkogol ónimderin óndirýge jáne bótelkege quıýǵa arnalǵan jabdyqtar, sondaı-aq 0,5 lıtrlik 2 180 bótelke alkogol tárkilendi», delingen habarlamada.
Sonymen qatar zańsyz ónimdi jóneltý pýnkti anyqtalyp, joıyldy. Osy orynǵa jetkizilgen Gazel kóliginde 3 myń bótelke alkogol men spırttik ónim bolýy múmkin 5 lıtrlik suıyqtyǵy bar 16 kanıstr tabyldy.
Jedel izdestirý sharalarynyń nátıjesinde 36 jastaǵy jergilikti turǵyn ustaldy. Bul oqıǵa boıynsha sotqa deıingi tergeý bastaldy.
