Naryqtan óz ornyn tapqan

Shymkent qalasynda ornalasqan kásiporyn bir jyl ishinde 180 myń oryndyq, 10 mln tis shetkasyn, 6 mln ıis sabyn, 3 mln ustara óndiripti. 1 mlrd 200 mln teńge ınvestısııa quıylǵan kásiporynnyń jabdyqtary túgeldeı jańa ári zamanaýı.

Kásiporyn iske qosylǵan sátten bastap birqatar mańyzdy shara júzege asyryldy. О́ndiristik jab­dyq­tar tolyqtaı ornatylyp, aınalymǵa tús­ken­she erkin jeterlik shıkizat satyp alyndy. Shıkizatty tolyq derlik Qytaı elinen ákeledi. Jańa zaýyt bolǵan soń, qyzmetkerlerdi arnaıy daıyndyqtan ótkerip, qaıta oqytý tııanaqtaldy. Ár ónimniń tartymdy bolýyn qamtamasyz etý maqsatynda tutynýshy talabyna saı unamdy ári qolaıly ónim dızaıny ázirlendi.

«Zaýyttyń ornyn satyp alyp, qurylysyn tolyq bitirgenshe ózimniń 800 mln teńgeden asa qara­jatym jumsaldy. Tórt sehtyń jabdyqtaryn ákelip ornatýǵa 500 mln teńge qarastyryldy. Onyń 170 mln teńgesin óz janymyzdan quıyp, qalǵan 330 mln teńgeni «Damý qory» ótedi. Qazir kásiporynda 20 adam jumys isteıdi. Ortasha eńbekaqy – 200 myń teńge», deıdi kásiporyn dırektory Danııar Ábdikárim.

Taýardyń basy – «Arıana» sabyny. Ol – ýaqyt synaǵynan ótken, kóptegen tutynýshynyń senimi men moıyndaýyna ıe bolǵan ónim. Tańdalǵan ıngredıentter, zamanaýı óndiris tehnologııalary jáne alma men qulpynaıdyń názik hosh ıisi jumsaq ári tıimdi tazartady.

«Sabyn quramynda natrıı stearaty, propılenglıkol, natrıı laýretsýlfaty, natrıı laýraty, glıserın, natrıı hlorıdi, dınatrıı, hosh ıistendirgish kompozısııasy, natrıı laýretsýlfosýksınaty, dınatrıı EDTA, tıtanıı dıoksıdi, akrıl sopolımeri men mentol bar. Salmaǵy 100 gramm sabyn kesegi uzaq ýaqyt paıdalanýǵa jetkilikti. «Arıana Alma» ıis sabyny jumsaq ári jeńil kóbik túzip, jaǵymdy hosh ıisimen tazalyq pen sergektik sezimin syılaıdy», deıdi tehnık Azamat Ábdirasylov.

Al mundaǵy oryndyqtar polıkarbonattan jasalǵan. Móldir, tússiz oryndyqtardy úı jaǵ­daıynda da, kommersııalyq maqsatta da qol­da­nýǵa bolady. Názik árlengen edendi qorǵaý maq­sa­tynda oryndyq aıaqtary arnaıy ushtyqtarmen jab­­dyq­tal­ǵan. Sý ótkizbeıdi jáne sińirmeıdi, sondaı-aq sarǵaıyp, túri buzylmaıdy. Ońaılyqpen syna qoımaıdy», dedi ekinshi tehnık Mamyrbek Tursyn.

Onyń sózinshe, oryndyq tolyq jınalǵan kúıde jetkiziledi. Jınaýǵa yńǵaıly ári ýltrakúlgin sáý­le­den qorǵalǵan.

Maman «Dalida» tis shetkasynyń da ereksheligine toqtaldy. Mysaly, ortasha qattylyqtaǵy qyl­shyq­tar tis betindegi daqtardy 84%-ǵa deıin joıatyn kórinedi. Al neılon qylshyqtary búkil paıdalaný merziminde óz túsin saqtaıdy.

Kásiporyn basshylyǵynyń aldaǵy ýaqytqa jos­pary aýqymdy. Tek ońtústik óńirmen ǵana shektelip qalmaı, ónimin elimizdiń barlyq aımaǵyna taratýǵa qulyqty. Kóp uzamaı kórshi elderdiń naryǵyna shyǵýdy da kózdep júr. Buǵan ónim sapasy men zaýyt áleýeti kepil.