Foto: gov.kz
Ákimniń málimetinshe, qazir bas qalada áleýmettik nysandardyń qurylysy qarqyndy júrip jatyr. Onyń ishinde mektepter, balabaqshalar, emhanalar, oqýshylar saraılary bar.
«Jańa oqý jylynda taǵy 15 mektep ashamyz. Olardyń jeteýi – «Jaıly mektep» ulttyq jobasy aıasynda. Qalany aralaý barysynda birqatar jaıly mekteptiń qurylysymen tanystym. Máselen, bul mektepter Qudaıberdiuly dańǵyly men Jansúgirov kóshesiniń, Tólebaev jáne Býrabaı kósheleriniń, Egemen Qazaqstan men Imanov kósheleriniń qıylystarynda, sol sııaqty E17, E26, E796 jáne E899 kóshelerinde jáne t.b. mekenjaılarda ornalasqan. Bilim mekemeleriniń qurylysyna jeke qarajat ta tartylady», dep jazdy Jeńis Qasymbek.
Aıta keteıik, bıyl bas-aıaǵy 24 jańa oqý orny ashylǵan. Onyń 16-sy «Jaıly mektep» ulttyq jobasy aıasynda salynǵan.
