Jergilikti ákimdikter men turǵyndar arasynda ótkizilgen kezdesýlerden baıqaǵanymyz, beıindi orta tehnıkalyq bilimi bolsa da, keı úmitkerlerde óndiristik daǵdy jetispeıdi. Mamandardyń sózinshe, osy olqylyq Aqtoǵaı ken ornynda jumysqa ornalasýǵa eleýli kedergige keltirip otyr. Sonyń saldarynan jergilikti azamattar ózge óńirlerden keletin tájirıbeli mamandarmen básekege túse almaıdy.
Osyǵan oraı, Abaı oblysynyń bilim basqarmasynyń Elektrotehnıkalyq kolledji jáne KAZ Minerals kompanııasynyń qoldaýymen jergilikti turǵyndardy oqytýǵa jáne jumysqa ornalastyrýǵa baǵyttalǵan «Qaıta daıarlaý» pılottyq jobasy iske qosyldy. Eńbek naryǵynda suranysqa ıe jumysshy mamandar úsh aılyq kýrstan ótken 13 adam iriktelgen. Onda slesar-jóndeýshi, avtomatıka slesari, elektrgazben dánekerleýshi, jáne jóndeý elektroslesar bar.
«Jobanyń seriktesi Abaı oblysy bilim basqarmasynyń Elektrotehnıkalyq kolledji qajetti oqý bazasyn, óndiristik jetekshilerdi qamtamasyz etip, tyńdaýshylarǵa tamaqtaný men jatyn oryndy uıymdastyrdy. Al qalǵan shyǵyndard, sonyń ishinde stıpendııa shyǵyndaryn kompanııa demýshilik jasap otyr», deıdi uıymdastyrýshylar.
Oqytý baǵdarlamasy óndiristegi naqty jaǵdaılarǵa beıimdelgen. Máselen, teorııalyq sabaqtar praktıkalyq daıyndyqpen ushtastyrylady. Kýrsty aıaqtaǵan tyńdaýshylar kásiptik daıarlyq týraly sertıfıkat alyp, Aqtoǵaı ken ornynda bir jyldyq taǵylymdamadan ótýge shaqyryldy.
«Oqý jaqsy ótti. Jetekshiler bárin jaqsy túsindirdi. Jataqhanamyz da jaıly boldy. Bul baǵdarlamaǵa qatysqanyma qýanyshtymyn. Jumystaǵylardyń bári jaqsy qarsy alady, qoldap, qajet kezde keńes berip turady. Kún saıyn jańa daǵdylardy úırenip, mol tájirıbe jınadyq. Aýyldastaryma mundaı múmkindikti jiberip almaýǵa keńes beremin», deıdi BО́A jána avtomatıka jónindegi slesar Saıat Qalıev.
Qaıta daıarlaýdy on úsh adamnyń toǵyzy sátti aıaqtady. Qazir olardyń jeteýi kompanııaǵa jumysqa turǵan. Taǵy eki tyńdaýshy óz mamandyǵy boıynsha bos orynnyń ashylýyn kútip, taǵylymdamasyn jalǵastyryp júr.
«Men dánekerleýdi úırenip shyqtym. Qazir óz kásibıligime senimdimin. Jetekshiler bárin jaqsy túsindirip, tájirıbelerimen bólisti. Meniń maqsatym – zeınetke shyqqansha osy jerde adal jumys isteý», deıdi elektrgazben dánekerleýshi Jasulan Turarov.
Jergilikti turǵyndarmen ózara is-qımyl jónindegi menedjer Dınara Shangereeva aıtýynsha, baǵdarlamaǵa qatysýshylardyń qyzyǵýshylyǵy joǵary.
«Aqparatty Telegram-arna, WhatsApp-toptar arqyly tarattyq, keńsedegi kúndelikti qabyldaýlarda da aıtyp júrdik. Budan keıin turǵyndar ózi-aq bir-birine jetkize bastady. Eń bastysy – qazir olar kásibı biliktiligin arttyryp, básekege qabiletti bolyp shyǵyp otyr», deıdi ol.
Onyń aıtýynsha, alǵashqy nátıje qysqa merzimdi kásiptik daıarlyqtyń ózekti ekenin kórsetti. Aqtoǵaı men Qopa turǵyndarynyń qaıta daıarlaýǵa nıet bildirýshilerdiń sany artyp keledi.
Qyzmetkerlermen jumys jónindegi basqarma bastyǵy Almas Dánibektiń aıtýynsha, bastama óńir turǵyndary úshin jańa mansaptyq múmkindikterdi iske qosyp qana qoımaı, naqty kadrlyq qajettilikterdi óteýge múmkindik berdi: «Nátıjeler bul formattyń bolashaǵy bar ekenin kórsetti. Ásirese adamnyń bazalyq bilimi bar bolsa. Bul baǵdarlama aımaq ishindegi mansaptyq múmkindikterdi qurýdaǵy mańyzdy qadam boldy.
Bolashaq daıyndyq baǵyttaryna keletin bolsaq, qyzmetker aınalymy joǵary jáne daıyn qysqa oqý baǵdarlamalary bar mamandyqtarǵa basymdyq beriledi. Biz óndiristik suranystarǵa, aınalym derekterine jáne turǵyndar arasyndaǵy qyzyǵýshylyqqa nazar aýdaramyz. Bul statıkalyq baǵdarlama emes – ol naqty tapsyrmalarǵa beıimdeletin ıkemdi qural bolyp qalýy kerek».
Qyzmetkerlermen jumys jónindegi jaýapty maman Almas Dánibektiń aıtýynsha, bastama óńir turǵyndary úshin jańa mansaptyq múmkindikter ashyp qana qoımaı, naqty kadrlyq qajettilikterdi óteýge de múmkindik berdi.
«Nátıjeler kórsetkendeı, bul formattyń bolashaǵy zor. Ásirese qazir bazalyq bilimi bar mamandar qajet óndiriske. Bolashaqta qysqa oqý baǵdarlamalary bar mamandyqtarǵa baǵyttalmaq. Biz óndiristik suranystarǵa, kadrlyq derekterge jáne turǵyndardyń qyzyǵýshylyǵyna nazar aýdaramyz. Bul statıkalyq baǵdarlama emes – ol naqty tapsyrmalarǵa beıimdeletin ıkemdi qural bolyp qalýy tıis», dedi ol.
Abaı oblysy
