Fotolar: Qorǵanys mınıstrligi
Úsh biregeı qorǵanys júıesiniń avtory
PhD doktory podpolkovnık Nurjan Zikirııaev radıotehnıka jáne elektronıka salasyndaǵy jetekshi ınjener-konstrýktor. Qarýly Kúshter qatarynda jıyrma úsh jyldyq qyzmetinde ol otandyq armııa qarýlanýyna qabyldanǵan úsh biregeı qorǵanys júıesiniń avtory atandy. Onyń ázirlemeleri qazirgi zamanǵy áskerı tehnıka baǵyttarynyń negizgi spektrin qamtıdy – optıkalyq-elektrondyq keshenderden bastap radıoelektrondyq kúres pen ushqyshsyz avıasııaǵa deıin jáne ondaǵan bytyrańqy qurylǵylar ámbebap modýldermen almastyrylyp, senimdilik, únemdilik jáne ornalastyrý jyldamdyǵy artady.
Jobalary – jaýyngerlik múmkindikterdi arttyrady
Eń mańyzdy jetistikteriniń biri – áskerı tehnıka úshin kórinýdi arttyrýǵa arnalǵan optıkalyq-elektrondyq modýldi ázirleý jáne engizý. Ol túngi ýaqytta baqylaýdy jáne qozǵalys qaýipsizdigin aıtarlyqtaı jaqsartady, bul synaq nátıjelerimen dáleldengen.
Onyń jumysynda baǵdarlamalyq túrde anyqtalatyn radıo (SDR) tehnologııalaryn damytý mańyzdy oryn alady. Podpolkovnık N.Zikirııaev arnaıy SDR keshenin jasap, sondaı-aq ártúrli mamandyqtardyń kýrsanttaryna arnalǵan «SDR negizderi» oqý quralyn jáne oqý kýrsyn daıyndady.
Onyń basshylyǵymen Wing Loong-1 ushqyshsyz ushý apparattarynyń aspa toraptaryn jańǵyrtý júzege asyrylyp, jańa qarý-jaraq túrlerin ıntegrasııalaýǵa jáne keshenniń jaýyngerlik múmkindikterin aıtarlyqtaı keńeıtýge múmkindik berdi.
Armııadaǵy sıfrlyq transformasııa
«Respýblıkalyq deńgeıdegi bul marapat ári qaraı jumysty jalǵastyrýǵa úlken serpin. Barlyq jobalar áskerdiń jaýyngerlik múmkindikterin arttyrýǵa jáne praktıkalyq qoldanýǵa baǵyttaldy. Basty mindet – jınaqtalǵan tájirıbeni kýrsanttarǵa jetkizý jáne jańa býyn áskerı ınjenerlerin daıarlaý», dedi podpolkovnık N.Zikirııaev.
Aıta ketken jón, onyń ár ázirlemesi – armııany sıfrlyq transformasııalaý baǵytyndaǵy strategııalyq qadam. Podpolkovnık N.Zikirııaevtiń jumysy otandyq ınjenerlik mekteptiń áleýetin jáne eldiń qorǵanys qabiletin búgingi kúni-aq kúsheıtetin tehnologııalar jasaýǵa qabiletti ekenin aıqyn kórsetedi.
