«Qazaqtar burynnan belgili halyq bolsa da, eshqashan atap aıtylmaǵan, óıtkeni olar kóshpeli ómirde barymtany dástúr etken.
Olar úsh ordaǵa (júzge) bólingen, onyń ishinde eki júzdiń quramy ǵana Reseı ókimetiniń qaramaǵynda. Bular Oral men Embi ózenderiniń aralyǵynda jatqan terrıtorııany mekendeıdi; biraq olar únemi kóship-qonyp júredi jáne Edil men Kaspıı jaǵalaýynda barymta áreketterin jıi jasaıdy.
Olardyń júris-turysy men kelbeti tym erekshe Qazaqtardyń álpeti basqa tatar taıpalary sııaqty ashyq, kózi kishkentaı bolsa da, olar jınaqy kórinedi. At ústindegi halyqtyń únemi ártúrli oqıǵalarymen alys-jaqynǵa aty shyqqanyn bireý bilse, bireý bilmes. Bul bolmys olardyń ómir súrý dástúrine jáne batyldyq pen dańq týraly kózqarasyna baılanysty bolýy múmkin. Qazaqtardyń úıi týraly aıtsaq, turmysqa qolaıly kıiz úılerde turady. Olardy tizgindep otyrý úshin Reseı ókimeti qazaq dalasynda kóptegen áskerı beket saldy».
