Jas tilshige jaqsy múmkindik

Keshe «Nur Otan» partııasynyń qoldaýymen, «Juldyz» balalar uıym­dary odaǵynyń, L.N.Gýmılev atyndaǵy Eýrazııa ulttyq ýnı­versıtetiniń jýrnalıstıka já­ne saıasattaný fakýltetiniń, sony­men birge, Bilim jáne ǵy­lym mı­nıstrliginiń Balalar quqyqtaryn qorǵaý komıtetiniń uıymdastyrýmen «Baqytty juldyz astynda» atty balalar jáne jastar buqaralyq aqparat quraldary jas tilshileriniń HII halyqaralyq medıafestıvaliniń ashylý saltanaty ótti. Sharanyń bıylǵy taqyryby – «Balalar aq­parattyq keńistigi: kásibı is, shyǵar­mashylyq resýrstary». Medıafestıvaldiń negizgi maqsaty – jasóspirimderdiń adam­gershilik-rýhanı qundylyq­taryn baıyta túsý, azamattyq sana-se­zimi bıik, ult taǵdyryna beı-jaı qaramaıtyn urpaq qalyptastyrý. Sondaı-aq, zamanaýı álemdik aqpa­rattyq standarttarǵa sáıkes balalar men jas­tardy buqaralyq aqparat quraldary arqyly el isine aralasýǵa tárbıeleý. «Juldyz» qoǵamdyq bir­les­tigine kiretin BAQ-tar men «Bala­lar aqparattyq keńistigi: kásibı is, shyǵarmashylyq resýrstar» forýmy qatysýshylarynyń kórme-tusaýkeseri, «Iýnkor-2016» jáne «JasMedıaKZ»: eń úzdik balalar medıa ortalyǵy» baıqaýlary, «Máńgilik El» ulttyq ıdeıasy aıasynda «Qazaqstan jastar saıasatynyń ózekti máseleleri» taqyrybyndaǵy memlekettik organdar, IýNISEF, «Nur Otan» partııasy, «Jas Otan» jastar qanaty ókil­deriniń, kásibı jýrnalısterdiń qatysýymen ótetin brıfıngter, aqparattyq menedj­ment, aq­parattyq resýrstar negizderi boıynsha bolashaq tilshilerge arnalǵan sheberlik sabaq­tary men shyǵarmashylyq laboratorııalar, jáne de «Álem for you» qoǵamdyq baspasóz ortalyǵynyń ju­my­sy – osynyń barlyǵy 28-31 naý­ryz aralyǵynda bolatyn medıa­fes­tıvaldiń aıasynda ótetin is-sharalar. Aıta ketetin taǵy bir jaıt, atalmysh festıvalden aty ozyp dara kelgen daryndy jas tilshiler L.N.Gýmılev atyn­daǵy EUÝ-diń jýrnalıstıka jáne saıasattaný fakýltetine oqýǵa sha­­qy­­ry­lady. Al, «Iýnkor-2016» baı­qa­ýy­nyń jeńimpazdary «Juldyz» balalar qoǵamdyq uıymynyń BAQ redaksııa­synda qyzmet etýge múmkindik alady. Raýan QAIDAR, «Egemen Qazaqstan».