Atletter qalashyǵynda Qazaqstan jáne Qytaı týlaryn kóterý saltanaty ótti, dep habarlaıdy QazAqparat.
Saltanatqa eki eldiń resmı tulǵalary, sportshylary men delegasııa ókilderi qatysty. «Sizder Ýnıversıadaǵa jarysý úshin, kim myqty ekenin dáleldeý úshin keldińizder, alaıda Atletter qalashyǵynda sizderdi tek qana dostyq qarym-qatynas, jańa tanystar kútýde. Biz aýyzbirshiligi jarasqan kóptegen ult ókilderi ómir súretin Qazaqstan sekildi, Atletter qalashyǵy da jer betindegi ártúrli mádenıet ókilderiniń beıbitshilik pen kelisimde ómir súre alatynyn kórsetetin úlgige aınalsa deımiz», – dedi Atletter qalashyǵynyń ákimi, bokstan Olımpıada chempıony Serik Sápıev.
Sálemdesý sózinen keıin Qazaqstan jáne Qytaı delegasııa músheleri Atletter qalashyǵynyń ákimine estelik syılyqtary men kádesyılaryn tartý etti. Ýnıversıadaǵa qatysatyn elderdiń týyn kóterý saltanaty Atletter qalashyǵynda kúnde ótkiziledi. Jarystar kezinde munda barlyǵy eki myńǵa jýyq sportshy turatyn bolady.