shalǵaıdaǵy aýdanda óz jumysyna qaıta kiristi
Mamandandyrylǵan aýdanaralyq ekonomıkalyq sottyń sheshimimen Ǵ.Músirepov atyndaǵy aýdannyń ortalyǵynda ornalasqan ýaqytsha ustaý oqshaýlaǵyshy halyqaralyq talaptarǵa saı kelmegendikten jabylǵan bolatyn. Onyń qyzmetkerleri ustalǵan azamattardy birjarym jyl boıy basqa aýdandarǵa jetkizip, birqatar qıyndyqtar týyndaǵan.
Endi bul másele túpkilikti sheshimin tapty. Ýaqytsha ustaý oqshaýlaǵyshtary byltyr Tımırıazev, Taıynsha aýdandarynda ashylsa, endi on ekinshi mekeme Novoıshım kentinde jańartylyp, paıdalanýǵa berildi. Ǵımaratta 12 kereýetke shaqtalǵan úsh kamera, medısına kabıneti, tergeý bólmesi, sanıtarlyq ótkizý beketi, serýendeý aýlasy jumys isteıdi.
Aýdandyq ishki ister bóliminiń basshysy Aıdos Ediresovtiń aıtýynsha, jergilikti bıliktiń qoldaýymen mekeme qysqa merzimde qalpyna keltirilip, barlyq normatıvtik aktilerge sáıkestendirilgen.
О́mir ESQALI,
«Egemen Qazaqstan»
Soltústik Qazaqstan oblysy