Seısenbi kúni Bishkekte Eýrazııalyq úkimetaralyq keńestiń otyrysy ótedi. Kezdesýge qatysýshylar Eýrazııalyq odaq aýmaǵynda jekelegen shekteýlerdi joıý, taýar, qyzmet, kapıtal jáne adam kúshiniń qozǵalysyna qoıylǵan kedergilerdi alyp tastaý máselelerin talqylamaqshy, delingen kezdesýge daıyndalǵan materıaldarda. Bul týraly abctv.kz jazyp otyr.
Reseı úkimeti baspasóz qyzmetiniń habarlaýynsha, otyrysta ónerkásip jáne aýyl sharýashylyǵy ónimderiniń zańsyz aınalymyna qarsy kúres mehanızmderin ázirleý, zııatkerlik menshik quqyǵyn qorǵaý máselelerine nazar aýdarylady.
Atap aıtqanda, premer-mınıstrler EAEO aıasynda adal básekelestik úshin qolaıly jaǵdaı jasaý maqsatynda bılik organdary, qoǵamdyq jáne ǵylymı mekemeler, bıznes pen quqyq ıelenýshiler úshin arnaıy dıalogtyq alańdar qurý bastamasyn qarastyrady.
Sondaı-aq sıfrly ekonomıka salasynda, onyń ishinde aqparattyq jáne kompıýterlik tehnologııalar, telekommýnıkasııa salasynda bes eldiń yntymaqtastyǵy týraly sóz qozǵalady.
Sonymen qatar úkimet basshylaryn Qyrǵyzstan prezıdenti Almazbek Atambaev qabyldaıtyn bolady.