Qazaqstannyń taǵy bir tarıhı belesi

Mine, bú­gin taǵy da tórtkúl dúnıe tú­gel Astanaǵa kóz tigip, adam­­zat aqyl-oıynyń tama­sha jetistikteriniń biri – EKSPO-2017 halyqaralyq ma­­mandandyrylǵan kór­me­si­niń saltanatty ashylý rá­si­­mine kýá bolyp otyr. Beı­bit­shiliksúıgish barsha álem asyǵa kútken EKSPO-2017 halyqaralyq kórmesin ashý­dyń saltanatty rásimine Astana Sammıtine kelgen Shan­haı yntymaqtastyq uı­y­my­­na qatysýshy memleketter bas­­­shylarynyń qatysýynyń da sımvoldyq mańyzy bar.  Búkilálemdik jetistikter kór­­­mesin uıymdastyrýdyń 165 jyldan astam tarıhynda Ortalyq Azııa aımaǵy, tipti TMD memleketteriniń esh­qaısysynda da EKSPO ja­laýy jelbirep kórgen joq. Osydan týra tórt jyl buryn Parıjde ót­ken alaman báıgeniń ná­tı­je­sinde bul qurmetke tarıhta tuń­ǵysh ret táýelsiz Qazaqstan ıe boldy. Bul – Elbasy, álemdik dárejedegi daraboz saıasatker Nursultan Nazarbaev­tyń ha­lyqaralyq arena­daǵy úlken bedeliniń arqasy eken­digi daýsyz. Parıjden jetken súıin­shi habardan keıin egemen eli­miz úshin ǵasyr synyna aınal­ǵan osy bir jahandyq sharany ót­kizý daıyndyǵyna Memleket basshysynyń bastamasymen barsha qazaqstandyqtar jumyla kiri­sip ketti. Jaýapkershiligi zor ja­handyq sharany ótkizýdiń aýqymdy jumystaryn atqarýda Alataýdan Arqaǵa, Altaıdan Atyraýǵa deıingi sozylyp jat­qan elimizdiń barlyq óńirleri bir kisideı jumylyp, erekshe uıymshyldyq tanytty. So­dan bergi ótken tórt jyl ishin­de elorda aýmaǵynda qaı­ta­lanbas sáýlet ónerleriniń jaý­harlarynan turatyn tu­tas bir ınno­vasııalyq qala tur­ǵy­zyl­dy. Sonyń ishinde jalpy kólemi 80 metrdi quraıtyn, bıiktigi 100 metr álemde teńdesi joq birden-bir shar tárizdes ǵımarat – Nur-Álem ulttyq pavılonyn aıtýdyń ózi nege turady. Astana EKSPO-2017-niń bas­ty urany – «Bolashaqtyń energııasy». Búginde bul búkil sanaly adamzatty tolǵandyryp otyrǵan túıindi másele ekendigi de daýsyz. Endeshe, egemen elimizdiń elordasynan búkil álemdi alańdatqan tolǵaqty taqyryptardyń she­shimi tarqatylady. Sondyqtan da tórtkúl dúnıeniń tórt qu­by­la­syndaǵy barlyq sana­ly adamzat ókilderi Uly Da­la­nyń bel ortasyndaǵy arý Astanada jelbiregen EKSPO-2017 kórme­siniń aq tý­yna asqaq úmitpen qaraıdy. So­nymen, qos ǵasyrlyq ta­rıhy bar álemdik aıtýly shara – EKSPO-2017 halyqaralyq ma­man­dandyrylǵan kórmesi óz jumysyn bastady. Iske sát!  Gazetimizdiń búgingi nó­mi­rin­de osy aıtýly oqıǵaǵa baı­lanys­ty óńirlerden jetken materıaldar toptamasyn oqyr­mandar nazaryna usynyp otyr­myz.

Jylqybaı JAǴYPARULY, «Egemen Qazaqstan»